चौपाई
देह दिनहुँ दिन दूबरि होई। घटइ तेजु बलु मुखछबि सोई।।
नित नव राम प्रेम पनु पीना। बढ़त धरम दलु मनु न मलीना।।
जिमि जलु निघटत सरद प्रकासे। बिलसत बेतस बनज बिकासे।।
सम दम संजम नियम उपासा। नखत भरत हिय बिमल अकासा।।
ध्रुव बिस्वास अवधि राका सी। स्वामि सुरति सुरबीथि बिकासी।।
राम पेम बिधु अचल अदोषा। सहित समाज सोह नित चोखा।।
भरत रहनि समुझनि करतूती। भगति बिरति गुन बिमल बिभूती।।
बरनत सकल सुकचि सकुचाहीं। सेस गनेस गिरा गमु नाहीं।।
दोहा/सोरठा
नित पूजत प्रभु पाँवरी प्रीति न हृदयँ समाति।।
मागि मागि आयसु करत राज काज बहु भाँति।।325।।
चौपाई
पुलक गात हियँ सिय रघुबीरू। जीह नामु जप लोचन नीरू।।
लखन राम सिय कानन बसहीं। भरतु भवन बसि तप तनु कसहीं।।
दोउ दिसि समुझि कहत सबु लोगू। सब बिधि भरत सराहन जोगू।।
सुनि ब्रत नेम साधु सकुचाहीं। देखि दसा मुनिराज लजाहीं।।
परम पुनीत भरत आचरनू। मधुर मंजु मुद मंगल करनू।।
हरन कठिन कलि कलुष कलेसू। महामोह निसि दलन दिनेसू।।
पाप पुंज कुंजर मृगराजू। समन सकल संताप समाजू।
जन रंजन भंजन भव भारू। राम सनेह सुधाकर सारू।।
चौपाई
dēha dinahuom dina dūbari hōī. ghaṭai tēju balu mukhachabi sōī..
nita nava rāma prēma panu pīnā. baḍhata dharama dalu manu na malīnā..
jimi jalu nighaṭata sarada prakāsē. bilasata bētasa banaja bikāsē..
sama dama saṃjama niyama upāsā. nakhata bharata hiya bimala akāsā..
dhruva bisvāsa avadhi rākā sī. svāmi surati surabīthi bikāsī..
rāma pēma bidhu acala adōṣā. sahita samāja sōha nita cōkhā..
bharata rahani samujhani karatūtī. bhagati birati guna bimala bibhūtī..
baranata sakala sukaci sakucāhīṃ. sēsa ganēsa girā gamu nāhīṃ..
चौपाई
pulaka gāta hiyaom siya raghubīrū. jīha nāmu japa lōcana nīrū..
lakhana rāma siya kānana basahīṃ. bharatu bhavana basi tapa tanu kasahīṃ..
dōu disi samujhi kahata sabu lōgū. saba bidhi bharata sarāhana jōgū..
suni brata nēma sādhu sakucāhīṃ. dēkhi dasā munirāja lajāhīṃ..
parama punīta bharata ācaranū. madhura maṃju muda maṃgala karanū..
harana kaṭhina kali kaluṣa kalēsū. mahāmōha nisi dalana dinēsū..
pāpa puṃja kuṃjara mṛgarājū. samana sakala saṃtāpa samājū.
jana raṃjana bhaṃjana bhava bhārū. rāma sanēha sudhākara sārū..
