चौपाई
पुर नर भरत प्रीति मैं गाई। मति अनुरूप अनूप सुहाई।।
अब प्रभु चरित सुनहु अति पावन। करत जे बन सुर नर मुनि भावन।।
एक बार चुनि कुसुम सुहाए। निज कर भूषन राम बनाए।।
सीतहि पहिराए प्रभु सादर। बैठे फटिक सिला पर सुंदर।।
सुरपति सुत धरि बायस बेषा। सठ चाहत रघुपति बल देखा।।
जिमि पिपीलिका सागर थाहा। महा मंदमति पावन चाहा।।
सीता चरन चौंच हति भागा। मूढ़ मंदमति कारन कागा।।
चला रुधिर रघुनायक जाना। सींक धनुष सायक संधाना।।
दोहा/सोरठा
अति कृपाल रघुनायक सदा दीन पर नेह।
ता सन आइ कीन्ह छलु मूरख अवगुन गेह।।1।।
चौपाई
प्रेरित मंत्र ब्रह्मसर धावा। चला भाजि बायस भय पावा।।
धरि निज रुप गयउ पितु पाहीं। राम बिमुख राखा तेहि नाहीं।।
भा निरास उपजी मन त्रासा। जथा चक्र भय रिषि दुर्बासा।।
ब्रह्मधाम सिवपुर सब लोका। फिरा श्रमित ब्याकुल भय सोका।।
काहूँ बैठन कहा न ओही। राखि को सकइ राम कर द्रोही।।
मातु मृत्यु पितु समन समाना। सुधा होइ बिष सुनु हरिजाना।।
मित्र करइ सत रिपु कै करनी। ता कहँ बिबुधनदी बैतरनी।।
सब जगु ताहि अनलहु ते ताता। जो रघुबीर बिमुख सुनु भ्राता।।
नारद देखा बिकल जयंता। लागि दया कोमल चित संता।।
पठवा तुरत राम पहिं ताही। कहेसि पुकारि प्रनत हित पाही।।
आतुर सभय गहेसि पद जाई। त्राहि त्राहि दयाल रघुराई।।
अतुलित बल अतुलित प्रभुताई। मैं मतिमंद जानि नहिं पाई।।
निज कृत कर्म जनित फल पायउँ। अब प्रभु पाहि सरन तकि आयउँ।।
सुनि कृपाल अति आरत बानी। एकनयन करि तजा भवानी।।
दोहा/सोरठा
कीन्ह मोह बस द्रोह जद्यपि तेहि कर बध उचित।
प्रभु छाड़ेउ करि छोह को कृपाल रघुबीर सम।।2।।
चौपाई
pura nara bharata prīti maiṃ gāī. mati anurūpa anūpa suhāī..
aba prabhu carita sunahu ati pāvana. karata jē bana sura nara muni bhāvana..
ēka bāra cuni kusuma suhāē. nija kara bhūṣana rāma banāē..
sītahi pahirāē prabhu sādara. baiṭhē phaṭika silā para suṃdara..
surapati suta dhari bāyasa bēṣā. saṭha cāhata raghupati bala dēkhā..
jimi pipīlikā sāgara thāhā. mahā maṃdamati pāvana cāhā..
sītā carana cauṃca hati bhāgā. mūḍha maṃdamati kārana kāgā..
calā rudhira raghunāyaka jānā. sīṃka dhanuṣa sāyaka saṃdhānā..
चौपाई
prērita maṃtra brahmasara dhāvā. calā bhāji bāyasa bhaya pāvā..
dhari nija rupa gayau pitu pāhīṃ. rāma bimukha rākhā tēhi nāhīṃ..
bhā nirāsa upajī mana trāsā. jathā cakra bhaya riṣi durbāsā..
brahmadhāma sivapura saba lōkā. phirā śramita byākula bhaya sōkā..
kāhūom baiṭhana kahā na ōhī. rākhi kō sakai rāma kara drōhī..
mātu mṛtyu pitu samana samānā. sudhā hōi biṣa sunu harijānā..
mitra karai sata ripu kai karanī. tā kahaom bibudhanadī baitaranī..
saba jagu tāhi analahu tē tātā. jō raghubīra bimukha sunu bhrātā..
nārada dēkhā bikala jayaṃtā. lāgi dayā kōmala cita saṃtā..
paṭhavā turata rāma pahiṃ tāhī. kahēsi pukāri pranata hita pāhī..
ātura sabhaya gahēsi pada jāī. trāhi trāhi dayāla raghurāī..
atulita bala atulita prabhutāī. maiṃ matimaṃda jāni nahiṃ pāī..
nija kṛta karma janita phala pāyauom. aba prabhu pāhi sarana taki āyauom..
suni kṛpāla ati ārata bānī. ēkanayana kari tajā bhavānī..
