चौपाई
निधरक बैठि कहइ कटु बानी। सुनत कठिनता अति अकुलानी।।
जीभ कमान बचन सर नाना। मनहुँ महिप मृदु लच्छ समाना।।
जनु कठोरपनु धरें सरीरू। सिखइ धनुषबिद्या बर बीरू।।
सब प्रसंगु रघुपतिहि सुनाई। बैठि मनहुँ तनु धरि निठुराई।।
मन मुसकाइ भानुकुल भानु। रामु सहज आनंद निधानू।।
बोले बचन बिगत सब दूषन। मृदु मंजुल जनु बाग बिभूषन।।
सुनु जननी सोइ सुतु बड़भागी। जो पितु मातु बचन अनुरागी।।
तनय मातु पितु तोषनिहारा। दुर्लभ जननि सकल संसारा।।
दोहा/सोरठा
मुनिगन मिलनु बिसेषि बन सबहि भाँति हित मोर।
तेहि महँ पितु आयसु बहुरि संमत जननी तोर।।41।।
चौपाई
भरत प्रानप्रिय पावहिं राजू। बिधि सब बिधि मोहि सनमुख आजु।
जों न जाउँ बन ऐसेहु काजा। प्रथम गनिअ मोहि मूढ़ समाजा।।
सेवहिं अरँडु कलपतरु त्यागी। परिहरि अमृत लेहिं बिषु मागी।।
तेउ न पाइ अस समउ चुकाहीं। देखु बिचारि मातु मन माहीं।।
अंब एक दुखु मोहि बिसेषी। निपट बिकल नरनायकु देखी।।
थोरिहिं बात पितहि दुख भारी। होति प्रतीति न मोहि महतारी।।
राउ धीर गुन उदधि अगाधू। भा मोहि ते कछु बड़ अपराधू।।
जातें मोहि न कहत कछु राऊ। मोरि सपथ तोहि कहु सतिभाऊ।।
दोहा/सोरठा
सहज सरल रघुबर बचन कुमति कुटिल करि जान।
चलइ जोंक जल बक्रगति जद्यपि सलिलु समान।।42।।
चौपाई
nidharaka baiṭhi kahai kaṭu bānī. sunata kaṭhinatā ati akulānī..
jībha kamāna bacana sara nānā. manahuom mahipa mṛdu laccha samānā..
janu kaṭhōrapanu dharēṃ sarīrū. sikhai dhanuṣabidyā bara bīrū..
saba prasaṃgu raghupatihi sunāī. baiṭhi manahuom tanu dhari niṭhurāī..
mana musakāi bhānukula bhānu. rāmu sahaja ānaṃda nidhānū..
bōlē bacana bigata saba dūṣana. mṛdu maṃjula janu bāga bibhūṣana..
sunu jananī sōi sutu baḍabhāgī. jō pitu mātu bacana anurāgī..
tanaya mātu pitu tōṣanihārā. durlabha janani sakala saṃsārā..
चौपाई
bharata prānapriya pāvahiṃ rājū. bidhi saba bidhi mōhi sanamukha āju.
jōṃ na jāuom bana aisēhu kājā. prathama gania mōhi mūḍha samājā..
sēvahiṃ araomḍu kalapataru tyāgī. parihari amṛta lēhiṃ biṣu māgī..
tēu na pāi asa samau cukāhīṃ. dēkhu bicāri mātu mana māhīṃ..
aṃba ēka dukhu mōhi bisēṣī. nipaṭa bikala naranāyaku dēkhī..
thōrihiṃ bāta pitahi dukha bhārī. hōti pratīti na mōhi mahatārī..
rāu dhīra guna udadhi agādhū. bhā mōhi tē kachu baḍa aparādhū..
jātēṃ mōhi na kahata kachu rāū. mōri sapatha tōhi kahu satibhāū..
