चौपाई
रहसी रानि राम रुख पाई। बोली कपट सनेहु जनाई।।
सपथ तुम्हार भरत कै आना। हेतु न दूसर मै कछु जाना।।
तुम्ह अपराध जोगु नहिं ताता। जननी जनक बंधु सुखदाता।।
राम सत्य सबु जो कछु कहहू। तुम्ह पितु मातु बचन रत अहहू।।
पितहि बुझाइ कहहु बलि सोई। चौथेंपन जेहिं अजसु न होई।।
तुम्ह सम सुअन सुकृत जेहिं दीन्हे। उचित न तासु निरादरु कीन्हे।।
लागहिं कुमुख बचन सुभ कैसे। मगहँ गयादिक तीरथ जैसे।।
रामहि मातु बचन सब भाए। जिमि सुरसरि गत सलिल सुहाए।।
दोहा/सोरठा
गइ मुरुछा रामहि सुमिरि नृप फिरि करवट लीन्ह।
सचिव राम आगमन कहि बिनय समय सम कीन्ह।।43।।
चौपाई
अवनिप अकनि रामु पगु धारे। धरि धीरजु तब नयन उघारे।।
सचिवँ सँभारि राउ बैठारे। चरन परत नृप रामु निहारे।।
लिए सनेह बिकल उर लाई। गै मनि मनहुँ फनिक फिरि पाई।।
रामहि चितइ रहेउ नरनाहू। चला बिलोचन बारि प्रबाहू।।
सोक बिबस कछु कहै न पारा। हृदयँ लगावत बारहिं बारा।।
बिधिहि मनाव राउ मन माहीं। जेहिं रघुनाथ न कानन जाहीं।।
सुमिरि महेसहि कहइ निहोरी। बिनती सुनहु सदासिव मोरी।।
आसुतोष तुम्ह अवढर दानी। आरति हरहु दीन जनु जानी।।
दोहा/सोरठा
तुम्ह प्रेरक सब के हृदयँ सो मति रामहि देहु।
बचनु मोर तजि रहहि घर परिहरि सीलु सनेहु।।44।।
चौपाई
rahasī rāni rāma rukha pāī. bōlī kapaṭa sanēhu janāī..
sapatha tumhāra bharata kai ānā. hētu na dūsara mai kachu jānā..
tumha aparādha jōgu nahiṃ tātā. jananī janaka baṃdhu sukhadātā..
rāma satya sabu jō kachu kahahū. tumha pitu mātu bacana rata ahahū..
pitahi bujhāi kahahu bali sōī. cauthēṃpana jēhiṃ ajasu na hōī..
tumha sama suana sukṛta jēhiṃ dīnhē. ucita na tāsu nirādaru kīnhē..
lāgahiṃ kumukha bacana subha kaisē. magahaom gayādika tīratha jaisē..
rāmahi mātu bacana saba bhāē. jimi surasari gata salila suhāē..
चौपाई
avanipa akani rāmu pagu dhārē. dhari dhīraju taba nayana ughārē..
sacivaom saombhāri rāu baiṭhārē. carana parata nṛpa rāmu nihārē..
liē sanēha bikala ura lāī. gai mani manahuom phanika phiri pāī..
rāmahi citai rahēu naranāhū. calā bilōcana bāri prabāhū..
sōka bibasa kachu kahai na pārā. hṛdayaom lagāvata bārahiṃ bārā..
bidhihi manāva rāu mana māhīṃ. jēhiṃ raghunātha na kānana jāhīṃ..
sumiri mahēsahi kahai nihōrī. binatī sunahu sadāsiva mōrī..
āsutōṣa tumha avaḍhara dānī. ārati harahu dīna janu jānī..
