चौपाई
तात जाउँ बलि बेगि नहाहू। जो मन भाव मधुर कछु खाहू।।
पितु समीप तब जाएहु भैआ। भइ बड़ि बार जाइ बलि मैआ।।
मातु बचन सुनि अति अनुकूला। जनु सनेह सुरतरु के फूला।।
सुख मकरंद भरे श्रियमूला। निरखि राम मनु भवरुँ न भूला।।
धरम धुरीन धरम गति जानी। कहेउ मातु सन अति मृदु बानी।।
पिताँ दीन्ह मोहि कानन राजू। जहँ सब भाँति मोर बड़ काजू।।
आयसु देहि मुदित मन माता। जेहिं मुद मंगल कानन जाता।।
जनि सनेह बस डरपसि भोरें। आनँदु अंब अनुग्रह तोरें।।
दोहा/सोरठा
बरष चारिदस बिपिन बसि करि पितु बचन प्रमान।
आइ पाय पुनि देखिहउँ मनु जनि करसि मलान।।53।।
चौपाई
बचन बिनीत मधुर रघुबर के। सर सम लगे मातु उर करके।।
सहमि सूखि सुनि सीतलि बानी। जिमि जवास परें पावस पानी।।
कहि न जाइ कछु हृदय बिषादू। मनहुँ मृगी सुनि केहरि नादू।।
नयन सजल तन थर थर काँपी। माजहि खाइ मीन जनु मापी।।
धरि धीरजु सुत बदनु निहारी। गदगद बचन कहति महतारी।।
तात पितहि तुम्ह प्रानपिआरे। देखि मुदित नित चरित तुम्हारे।।
राजु देन कहुँ सुभ दिन साधा। कहेउ जान बन केहिं अपराधा।।
तात सुनावहु मोहि निदानू। को दिनकर कुल भयउ कृसानू।।
दोहा/सोरठा
निरखि राम रुख सचिवसुत कारनु कहेउ बुझाइ।
सुनि प्रसंगु रहि मूक जिमि दसा बरनि नहिं जाइ।।54।।
चौपाई
tāta jāuom bali bēgi nahāhū. jō mana bhāva madhura kachu khāhū..
pitu samīpa taba jāēhu bhaiā. bhai baḍai bāra jāi bali maiā..
mātu bacana suni ati anukūlā. janu sanēha surataru kē phūlā..
sukha makaraṃda bharē śriyamūlā. nirakhi rāma manu bhavaruom na bhūlā..
dharama dhurīna dharama gati jānī. kahēu mātu sana ati mṛdu bānī..
pitāom dīnha mōhi kānana rājū. jahaom saba bhāomti mōra baḍa kājū..
āyasu dēhi mudita mana mātā. jēhiṃ muda maṃgala kānana jātā..
jani sanēha basa ḍarapasi bhōrēṃ. ānaomdu aṃba anugraha tōrēṃ..
चौपाई
bacana binīta madhura raghubara kē. sara sama lagē mātu ura karakē..
sahami sūkhi suni sītali bānī. jimi javāsa parēṃ pāvasa pānī..
kahi na jāi kachu hṛdaya biṣādū. manahuom mṛgī suni kēhari nādū..
nayana sajala tana thara thara kāompī. mājahi khāi mīna janu māpī..
dhari dhīraju suta badanu nihārī. gadagada bacana kahati mahatārī..
tāta pitahi tumha prānapiārē. dēkhi mudita nita carita tumhārē..
rāju dēna kahuom subha dina sādhā. kahēu jāna bana kēhiṃ aparādhā..
tāta sunāvahu mōhi nidānū. kō dinakara kula bhayau kṛsānū..
