चौपाई
राखि न सकइ न कहि सक जाहू। दुहूँ भाँति उर दारुन दाहू।।
लिखत सुधाकर गा लिखि राहू। बिधि गति बाम सदा सब काहू।।
धरम सनेह उभयँ मति घेरी। भइ गति साँप छुछुंदरि केरी।।
राखउँ सुतहि करउँ अनुरोधू। धरमु जाइ अरु बंधु बिरोधू।।
कहउँ जान बन तौ बड़ि हानी। संकट सोच बिबस भइ रानी।।
बहुरि समुझि तिय धरमु सयानी। रामु भरतु दोउ सुत सम जानी।।
सरल सुभाउ राम महतारी। बोली बचन धीर धरि भारी।।
तात जाउँ बलि कीन्हेहु नीका। पितु आयसु सब धरमक टीका।।
दोहा/सोरठा
राजु देन कहि दीन्ह बनु मोहि न सो दुख लेसु।
तुम्ह बिनु भरतहि भूपतिहि प्रजहि प्रचंड कलेसु।।55।।
चौपाई
जौं केवल पितु आयसु ताता। तौ जनि जाहु जानि बड़ि माता।।
जौं पितु मातु कहेउ बन जाना। तौं कानन सत अवध समाना।।
पितु बनदेव मातु बनदेवी। खग मृग चरन सरोरुह सेवी।।
अंतहुँ उचित नृपहि बनबासू। बय बिलोकि हियँ होइ हराँसू।।
बड़भागी बनु अवध अभागी। जो रघुबंसतिलक तुम्ह त्यागी।।
जौं सुत कहौ संग मोहि लेहू। तुम्हरे हृदयँ होइ संदेहू।।
पूत परम प्रिय तुम्ह सबही के। प्रान प्रान के जीवन जी के।।
ते तुम्ह कहहु मातु बन जाऊँ। मैं सुनि बचन बैठि पछिताऊँ।।
दोहा/सोरठा
यह बिचारि नहिं करउँ हठ झूठ सनेहु बढ़ाइ।
मानि मातु कर नात बलि सुरति बिसरि जनि जाइ।।56।।
चौपाई
rākhi na sakai na kahi saka jāhū. duhūom bhāomti ura dāruna dāhū..
likhata sudhākara gā likhi rāhū. bidhi gati bāma sadā saba kāhū..
dharama sanēha ubhayaom mati ghērī. bhai gati sāompa chuchuṃdari kērī..
rākhauom sutahi karauom anurōdhū. dharamu jāi aru baṃdhu birōdhū..
kahauom jāna bana tau baḍai hānī. saṃkaṭa sōca bibasa bhai rānī..
bahuri samujhi tiya dharamu sayānī. rāmu bharatu dōu suta sama jānī..
sarala subhāu rāma mahatārī. bōlī bacana dhīra dhari bhārī..
tāta jāuom bali kīnhēhu nīkā. pitu āyasu saba dharamaka ṭīkā..
चौपाई
jauṃ kēvala pitu āyasu tātā. tau jani jāhu jāni baḍai mātā..
jauṃ pitu mātu kahēu bana jānā. tauṃ kānana sata avadha samānā..
pitu banadēva mātu banadēvī. khaga mṛga carana sarōruha sēvī..
aṃtahuom ucita nṛpahi banabāsū. baya bilōki hiyaom hōi harāomsū..
baḍabhāgī banu avadha abhāgī. jō raghubaṃsatilaka tumha tyāgī..
jauṃ suta kahau saṃga mōhi lēhū. tumharē hṛdayaom hōi saṃdēhū..
pūta parama priya tumha sabahī kē. prāna prāna kē jīvana jī kē..
tē tumha kahahu mātu bana jāūom. maiṃ suni bacana baiṭhi pachitāūom..
