चौपाई
मातु समीप कहत सकुचाहीं। बोले समउ समुझि मन माहीं।।
राजकुमारि सिखावन सुनहू। आन भाँति जियँ जनि कछु गुनहू।।
आपन मोर नीक जौं चहहू। बचनु हमार मानि गृह रहहू।।
आयसु मोर सासु सेवकाई। सब बिधि भामिनि भवन भलाई।।
एहि ते अधिक धरमु नहिं दूजा। सादर सासु ससुर पद पूजा।।
जब जब मातु करिहि सुधि मोरी। होइहि प्रेम बिकल मति भोरी।।
तब तब तुम्ह कहि कथा पुरानी। सुंदरि समुझाएहु मृदु बानी।।
कहउँ सुभायँ सपथ सत मोही। सुमुखि मातु हित राखउँ तोही।।
दोहा/सोरठा
गुर श्रुति संमत धरम फलु पाइअ बिनहिं कलेस।
हठ बस सब संकट सहे गालव नहुष नरेस।।61।।
चौपाई
मैं पुनि करि प्रवान पितु बानी। बेगि फिरब सुनु सुमुखि सयानी।।
दिवस जात नहिं लागिहि बारा। सुंदरि सिखवनु सुनहु हमारा।।
जौ हठ करहु प्रेम बस बामा। तौ तुम्ह दुखु पाउब परिनामा।।
काननु कठिन भयंकरु भारी। घोर घामु हिम बारि बयारी।।
कुस कंटक मग काँकर नाना। चलब पयादेहिं बिनु पदत्राना।।
चरन कमल मुदु मंजु तुम्हारे। मारग अगम भूमिधर भारे।।
कंदर खोह नदीं नद नारे। अगम अगाध न जाहिं निहारे।।
भालु बाघ बृक केहरि नागा। करहिं नाद सुनि धीरजु भागा।।
दोहा/सोरठा
भूमि सयन बलकल बसन असनु कंद फल मूल।
ते कि सदा सब दिन मिलिहिं सबुइ समय अनुकूल।।62।।
चौपाई
mātu samīpa kahata sakucāhīṃ. bōlē samau samujhi mana māhīṃ..
rājakumāri sikhāvana sunahū. āna bhāomti jiyaom jani kachu gunahū..
āpana mōra nīka jauṃ cahahū. bacanu hamāra māni gṛha rahahū..
āyasu mōra sāsu sēvakāī. saba bidhi bhāmini bhavana bhalāī..
ēhi tē adhika dharamu nahiṃ dūjā. sādara sāsu sasura pada pūjā..
jaba jaba mātu karihi sudhi mōrī. hōihi prēma bikala mati bhōrī..
taba taba tumha kahi kathā purānī. suṃdari samujhāēhu mṛdu bānī..
kahauom subhāyaom sapatha sata mōhī. sumukhi mātu hita rākhauom tōhī..
चौपाई
maiṃ puni kari pravāna pitu bānī. bēgi phiraba sunu sumukhi sayānī..
divasa jāta nahiṃ lāgihi bārā. suṃdari sikhavanu sunahu hamārā..
jau haṭha karahu prēma basa bāmā. tau tumha dukhu pāuba parināmā..
kānanu kaṭhina bhayaṃkaru bhārī. ghōra ghāmu hima bāri bayārī..
kusa kaṃṭaka maga kāomkara nānā. calaba payādēhiṃ binu padatrānā..
carana kamala mudu maṃju tumhārē. māraga agama bhūmidhara bhārē..
kaṃdara khōha nadīṃ nada nārē. agama agādha na jāhiṃ nihārē..
bhālu bāgha bṛka kēhari nāgā. karahiṃ nāda suni dhīraju bhāgā..
