चौपाई
आगे रामु लखनु बने पाछें। तापस बेष बिराजत काछें।।
उभय बीच सिय सोहति कैसे। ब्रह्म जीव बिच माया जैसे।।
बहुरि कहउँ छबि जसि मन बसई। जनु मधु मदन मध्य रति लसई।।
उपमा बहुरि कहउँ जियँ जोही। जनु बुध बिधु बिच रोहिनि सोही।।
प्रभु पद रेख बीच बिच सीता। धरति चरन मग चलति सभीता।।
सीय राम पद अंक बराएँ। लखन चलहिं मगु दाहिन लाएँ।।
राम लखन सिय प्रीति सुहाई। बचन अगोचर किमि कहि जाई।।
खग मृग मगन देखि छबि होहीं। लिए चोरि चित राम बटोहीं।।
दोहा/सोरठा
जिन्ह जिन्ह देखे पथिक प्रिय सिय समेत दोउ भाइ।
भव मगु अगमु अनंदु तेइ बिनु श्रम रहे सिराइ।।123।।
चौपाई
अजहुँ जासु उर सपनेहुँ काऊ। बसहुँ लखनु सिय रामु बटाऊ।।
राम धाम पथ पाइहि सोई। जो पथ पाव कबहुँ मुनि कोई।।
तब रघुबीर श्रमित सिय जानी। देखि निकट बटु सीतल पानी।।
तहँ बसि कंद मूल फल खाई। प्रात नहाइ चले रघुराई।।
देखत बन सर सैल सुहाए। बालमीकि आश्रम प्रभु आए।।
राम दीख मुनि बासु सुहावन। सुंदर गिरि काननु जलु पावन।।
सरनि सरोज बिटप बन फूले। गुंजत मंजु मधुप रस भूले।।
खग मृग बिपुल कोलाहल करहीं। बिरहित बैर मुदित मन चरहीं।।
दोहा/सोरठा
सुचि सुंदर आश्रमु निरखि हरषे राजिवनेन।
सुनि रघुबर आगमनु मुनि आगें आयउ लेन।।124।।
चौपाई
āgē rāmu lakhanu banē pāchēṃ. tāpasa bēṣa birājata kāchēṃ..
ubhaya bīca siya sōhati kaisē. brahma jīva bica māyā jaisē..
bahuri kahauom chabi jasi mana basaī. janu madhu madana madhya rati lasaī..
upamā bahuri kahauom jiyaom jōhī. janu budha bidhu bica rōhini sōhī..
prabhu pada rēkha bīca bica sītā. dharati carana maga calati sabhītā..
sīya rāma pada aṃka barāēom. lakhana calahiṃ magu dāhina lāēom..
rāma lakhana siya prīti suhāī. bacana agōcara kimi kahi jāī..
khaga mṛga magana dēkhi chabi hōhīṃ. liē cōri cita rāma baṭōhīṃ..
चौपाई
ajahuom jāsu ura sapanēhuom kāū. basahuom lakhanu siya rāmu baṭāū..
rāma dhāma patha pāihi sōī. jō patha pāva kabahuom muni kōī..
taba raghubīra śramita siya jānī. dēkhi nikaṭa baṭu sītala pānī..
tahaom basi kaṃda mūla phala khāī. prāta nahāi calē raghurāī..
dēkhata bana sara saila suhāē. bālamīki āśrama prabhu āē..
rāma dīkha muni bāsu suhāvana. suṃdara giri kānanu jalu pāvana..
sarani sarōja biṭapa bana phūlē. guṃjata maṃju madhupa rasa bhūlē..
khaga mṛga bipula kōlāhala karahīṃ. birahita baira mudita mana carahīṃ..
