चौपाई
नारि सनेह बिकल बस होहीं। चकई साँझ समय जनु सोहीं।।
मृदु पद कमल कठिन मगु जानी। गहबरि हृदयँ कहहिं बर बानी।।
परसत मृदुल चरन अरुनारे। सकुचति महि जिमि हृदय हमारे।।
जौं जगदीस इन्हहि बनु दीन्हा। कस न सुमनमय मारगु कीन्हा।।
जौं मागा पाइअ बिधि पाहीं। ए रखिअहिं सखि आँखिन्ह माहीं।।
जे नर नारि न अवसर आए। तिन्ह सिय रामु न देखन पाए।।
सुनि सुरुप बूझहिं अकुलाई। अब लगि गए कहाँ लगि भाई।।
समरथ धाइ बिलोकहिं जाई। प्रमुदित फिरहिं जनमफलु पाई।।
दोहा/सोरठा
अबला बालक बृद्ध जन कर मीजहिं पछिताहिं।।
होहिं प्रेमबस लोग इमि रामु जहाँ जहँ जाहिं।।121।।
चौपाई
गाँव गाँव अस होइ अनंदू। देखि भानुकुल कैरव चंदू।।
जे कछु समाचार सुनि पावहिं। ते नृप रानिहि दोसु लगावहिं।।
कहहिं एक अति भल नरनाहू। दीन्ह हमहि जोइ लोचन लाहू।।
कहहिं परस्पर लोग लोगाईं। बातें सरल सनेह सुहाईं।।
ते पितु मातु धन्य जिन्ह जाए। धन्य सो नगरु जहाँ तें आए।।
धन्य सो देसु सैलु बन गाऊँ। जहँ जहँ जाहिं धन्य सोइ ठाऊँ।।
सुख पायउ बिरंचि रचि तेही। ए जेहि के सब भाँति सनेही।।
राम लखन पथि कथा सुहाई। रही सकल मग कानन छाई।।
दोहा/सोरठा
एहि बिधि रघुकुल कमल रबि मग लोगन्ह सुख देत।
जाहिं चले देखत बिपिन सिय सौमित्रि समेत।।122।।
चौपाई
nāri sanēha bikala basa hōhīṃ. cakaī sāomjha samaya janu sōhīṃ..
mṛdu pada kamala kaṭhina magu jānī. gahabari hṛdayaom kahahiṃ bara bānī..
parasata mṛdula carana arunārē. sakucati mahi jimi hṛdaya hamārē..
jauṃ jagadīsa inhahi banu dīnhā. kasa na sumanamaya māragu kīnhā..
jauṃ māgā pāia bidhi pāhīṃ. ē rakhiahiṃ sakhi āomkhinha māhīṃ..
jē nara nāri na avasara āē. tinha siya rāmu na dēkhana pāē..
suni surupa būjhahiṃ akulāī. aba lagi gaē kahāom lagi bhāī..
samaratha dhāi bilōkahiṃ jāī. pramudita phirahiṃ janamaphalu pāī..
चौपाई
gāomva gāomva asa hōi anaṃdū. dēkhi bhānukula kairava caṃdū..
jē kachu samācāra suni pāvahiṃ. tē nṛpa rānihi dōsu lagāvahiṃ..
kahahiṃ ēka ati bhala naranāhū. dīnha hamahi jōi lōcana lāhū..
kahahiṃ paraspara lōga lōgāīṃ. bātēṃ sarala sanēha suhāīṃ..
tē pitu mātu dhanya jinha jāē. dhanya sō nagaru jahāom tēṃ āē..
dhanya sō dēsu sailu bana gāūom. jahaom jahaom jāhiṃ dhanya sōi ṭhāūom..
sukha pāyau biraṃci raci tēhī. ē jēhi kē saba bhāomti sanēhī..
rāma lakhana pathi kathā suhāī. rahī sakala maga kānana chāī..
