चौपाई
जगु पेखन तुम्ह देखनिहारे। बिधि हरि संभु नचावनिहारे।।
तेउ न जानहिं मरमु तुम्हारा। औरु तुम्हहि को जाननिहारा।।
सोइ जानइ जेहि देहु जनाई। जानत तुम्हहि तुम्हइ होइ जाई।।
तुम्हरिहि कृपाँ तुम्हहि रघुनंदन। जानहिं भगत भगत उर चंदन।।
चिदानंदमय देह तुम्हारी। बिगत बिकार जान अधिकारी।।
नर तनु धरेहु संत सुर काजा। कहहु करहु जस प्राकृत राजा।।
राम देखि सुनि चरित तुम्हारे। जड़ मोहहिं बुध होहिं सुखारे।।
तुम्ह जो कहहु करहु सबु साँचा। जस काछिअ तस चाहिअ नाचा।।
दोहा/सोरठा
पूँछेहु मोहि कि रहौं कहँ मैं पूँछत सकुचाउँ।
जहँ न होहु तहँ देहु कहि तुम्हहि देखावौं ठाउँ।।127।।
चौपाई
सुनि मुनि बचन प्रेम रस साने। सकुचि राम मन महुँ मुसुकाने।।
बालमीकि हँसि कहहिं बहोरी। बानी मधुर अमिअ रस बोरी।।
सुनहु राम अब कहउँ निकेता। जहाँ बसहु सिय लखन समेता।।
जिन्ह के श्रवन समुद्र समाना। कथा तुम्हारि सुभग सरि नाना।।
भरहिं निरंतर होहिं न पूरे। तिन्ह के हिय तुम्ह कहुँ गृह रूरे।।
लोचन चातक जिन्ह करि राखे। रहहिं दरस जलधर अभिलाषे।।
निदरहिं सरित सिंधु सर भारी। रूप बिंदु जल होहिं सुखारी।।
तिन्ह के हृदय सदन सुखदायक। बसहु बंधु सिय सह रघुनायक।।
दोहा/सोरठा
जसु तुम्हार मानस बिमल हंसिनि जीहा जासु।
मुकुताहल गुन गन चुनइ राम बसहु हियँ तासु।।128।।
चौपाई
jagu pēkhana tumha dēkhanihārē. bidhi hari saṃbhu nacāvanihārē..
tēu na jānahiṃ maramu tumhārā. auru tumhahi kō jānanihārā..
sōi jānai jēhi dēhu janāī. jānata tumhahi tumhai hōi jāī..
tumharihi kṛpāom tumhahi raghunaṃdana. jānahiṃ bhagata bhagata ura caṃdana..
cidānaṃdamaya dēha tumhārī. bigata bikāra jāna adhikārī..
nara tanu dharēhu saṃta sura kājā. kahahu karahu jasa prākṛta rājā..
rāma dēkhi suni carita tumhārē. jaḍa mōhahiṃ budha hōhiṃ sukhārē..
tumha jō kahahu karahu sabu sāomcā. jasa kāchia tasa cāhia nācā..
चौपाई
suni muni bacana prēma rasa sānē. sakuci rāma mana mahuom musukānē..
bālamīki haomsi kahahiṃ bahōrī. bānī madhura amia rasa bōrī..
sunahu rāma aba kahauom nikētā. jahāom basahu siya lakhana samētā..
jinha kē śravana samudra samānā. kathā tumhāri subhaga sari nānā..
bharahiṃ niraṃtara hōhiṃ na pūrē. tinha kē hiya tumha kahuom gṛha rūrē..
lōcana cātaka jinha kari rākhē. rahahiṃ darasa jaladhara abhilāṣē..
nidarahiṃ sarita siṃdhu sara bhārī. rūpa biṃdu jala hōhiṃ sukhārī..
tinha kē hṛdaya sadana sukhadāyaka. basahu baṃdhu siya saha raghunāyaka..
