चौपाई
प्रभु प्रसाद सुचि सुभग सुबासा। सादर जासु लहइ नित नासा।।
तुम्हहि निबेदित भोजन करहीं। प्रभु प्रसाद पट भूषन धरहीं।।
सीस नवहिं सुर गुरु द्विज देखी। प्रीति सहित करि बिनय बिसेषी।।
कर नित करहिं राम पद पूजा। राम भरोस हृदयँ नहि दूजा।।
चरन राम तीरथ चलि जाहीं। राम बसहु तिन्ह के मन माहीं।।
मंत्रराजु नित जपहिं तुम्हारा। पूजहिं तुम्हहि सहित परिवारा।।
तरपन होम करहिं बिधि नाना। बिप्र जेवाँइ देहिं बहु दाना।।
तुम्ह तें अधिक गुरहि जियँ जानी। सकल भायँ सेवहिं सनमानी।।
चौपाई
काम कोह मद मान न मोहा। लोभ न छोभ न राग न द्रोहा।।
जिन्ह कें कपट दंभ नहिं माया। तिन्ह कें हृदय बसहु रघुराया।।
सब के प्रिय सब के हितकारी। दुख सुख सरिस प्रसंसा गारी।।
कहहिं सत्य प्रिय बचन बिचारी। जागत सोवत सरन तुम्हारी।।
तुम्हहि छाड़ि गति दूसरि नाहीं। राम बसहु तिन्ह के मन माहीं।।
जननी सम जानहिं परनारी। धनु पराव बिष तें बिष भारी।।
जे हरषहिं पर संपति देखी। दुखित होहिं पर बिपति बिसेषी।।
जिन्हहि राम तुम्ह प्रानपिआरे। तिन्ह के मन सुभ सदन तुम्हारे।।
दोहा/सोरठा
स्वामि सखा पितु मातु गुर जिन्ह के सब तुम्ह तात।
मन मंदिर तिन्ह कें बसहु सीय सहित दोउ भ्रात।।130।।
चौपाई
prabhu prasāda suci subhaga subāsā. sādara jāsu lahai nita nāsā..
tumhahi nibēdita bhōjana karahīṃ. prabhu prasāda paṭa bhūṣana dharahīṃ..
sīsa navahiṃ sura guru dvija dēkhī. prīti sahita kari binaya bisēṣī..
kara nita karahiṃ rāma pada pūjā. rāma bharōsa hṛdayaom nahi dūjā..
carana rāma tīratha cali jāhīṃ. rāma basahu tinha kē mana māhīṃ..
maṃtrarāju nita japahiṃ tumhārā. pūjahiṃ tumhahi sahita parivārā..
tarapana hōma karahiṃ bidhi nānā. bipra jēvāomi dēhiṃ bahu dānā..
tumha tēṃ adhika gurahi jiyaom jānī. sakala bhāyaom sēvahiṃ sanamānī..
चौपाई
kāma kōha mada māna na mōhā. lōbha na chōbha na rāga na drōhā..
jinha kēṃ kapaṭa daṃbha nahiṃ māyā. tinha kēṃ hṛdaya basahu raghurāyā..
saba kē priya saba kē hitakārī. dukha sukha sarisa prasaṃsā gārī..
kahahiṃ satya priya bacana bicārī. jāgata sōvata sarana tumhārī..
tumhahi chāḍai gati dūsari nāhīṃ. rāma basahu tinha kē mana māhīṃ..
jananī sama jānahiṃ paranārī. dhanu parāva biṣa tēṃ biṣa bhārī..
jē haraṣahiṃ para saṃpati dēkhī. dukhita hōhiṃ para bipati bisēṣī..
jinhahi rāma tumha prānapiārē. tinha kē mana subha sadana tumhārē..
