चौपाई
दीख मंथरा नगरु बनावा। मंजुल मंगल बाज बधावा।।
पूछेसि लोगन्ह काह उछाहू। राम तिलकु सुनि भा उर दाहू।।
करइ बिचारु कुबुद्धि कुजाती। होइ अकाजु कवनि बिधि राती।।
देखि लागि मधु कुटिल किराती। जिमि गवँ तकइ लेउँ केहि भाँती।।
भरत मातु पहिं गइ बिलखानी। का अनमनि हसि कह हँसि रानी।।
ऊतरु देइ न लेइ उसासू। नारि चरित करि ढारइ आँसू।।
हँसि कह रानि गालु बड़ तोरें। दीन्ह लखन सिख अस मन मोरें।।
तबहुँ न बोल चेरि बड़ि पापिनि। छाड़इ स्वास कारि जनु साँपिनि।।
दोहा/सोरठा
सभय रानि कह कहसि किन कुसल रामु महिपालु।
लखनु भरतु रिपुदमनु सुनि भा कुबरी उर सालु।।13।।
चौपाई
कत सिख देइ हमहि कोउ माई। गालु करब केहि कर बलु पाई।।
रामहि छाड़ि कुसल केहि आजू। जेहि जनेसु देइ जुबराजू।।
भयउ कौसिलहि बिधि अति दाहिन। देखत गरब रहत उर नाहिन।।
देखेहु कस न जाइ सब सोभा। जो अवलोकि मोर मनु छोभा।।
पूतु बिदेस न सोचु तुम्हारें। जानति हहु बस नाहु हमारें।।
नीद बहुत प्रिय सेज तुराई। लखहु न भूप कपट चतुराई।।
सुनि प्रिय बचन मलिन मनु जानी। झुकी रानि अब रहु अरगानी।।
पुनि अस कबहुँ कहसि घरफोरी। तब धरि जीभ कढ़ावउँ तोरी।।
दोहा/सोरठा
काने खोरे कूबरे कुटिल कुचाली जानि।
तिय बिसेषि पुनि चेरि कहि भरतमातु मुसुकानि।।14।।
चौपाई
dīkha maṃtharā nagaru banāvā. maṃjula maṃgala bāja badhāvā..
pūchēsi lōganha kāha uchāhū. rāma tilaku suni bhā ura dāhū..
karai bicāru kubuddhi kujātī. hōi akāju kavani bidhi rātī..
dēkhi lāgi madhu kuṭila kirātī. jimi gavaom takai lēuom kēhi bhāomtī..
bharata mātu pahiṃ gai bilakhānī. kā anamani hasi kaha haomsi rānī..
ūtaru dēi na lēi usāsū. nāri carita kari ḍhārai āomsū..
haomsi kaha rāni gālu baḍa tōrēṃ. dīnha lakhana sikha asa mana mōrēṃ..
tabahuom na bōla cēri baḍai pāpini. chāḍai svāsa kāri janu sāompini..
चौपाई
kata sikha dēi hamahi kōu māī. gālu karaba kēhi kara balu pāī..
rāmahi chāḍai kusala kēhi ājū. jēhi janēsu dēi jubarājū..
bhayau kausilahi bidhi ati dāhina. dēkhata garaba rahata ura nāhina..
dēkhēhu kasa na jāi saba sōbhā. jō avalōki mōra manu chōbhā..
pūtu bidēsa na sōcu tumhārēṃ. jānati hahu basa nāhu hamārēṃ..
nīda bahuta priya sēja turāī. lakhahu na bhūpa kapaṭa caturāī..
suni priya bacana malina manu jānī. jhukī rāni aba rahu aragānī..
puni asa kabahuom kahasi gharaphōrī. taba dhari jībha kaḍhaāvauom tōrī..
