चौपाई
बाजहिं बाजने बिबिध बिधाना। पुर प्रमोदु नहिं जाइ बखाना।।
भरत आगमनु सकल मनावहिं। आवहुँ बेगि नयन फलु पावहिं।।
हाट बाट घर गलीं अथाई। कहहिं परसपर लोग लोगाई।।
कालि लगन भलि केतिक बारा। पूजिहि बिधि अभिलाषु हमारा।।
कनक सिंघासन सीय समेता। बैठहिं रामु होइ चित चेता।।
सकल कहहिं कब होइहि काली। बिघन मनावहिं देव कुचाली।।
तिन्हहि सोहाइ न अवध बधावा। चोरहि चंदिनि राति न भावा।।
सारद बोलि बिनय सुर करहीं। बारहिं बार पाय लै परहीं।।
दोहा/सोरठा
बिपति हमारि बिलोकि बड़ि मातु करिअ सोइ आजु।
रामु जाहिं बन राजु तजि होइ सकल सुरकाजु।।11।।
चौपाई
सुनि सुर बिनय ठाढ़ि पछिताती। भइउँ सरोज बिपिन हिमराती।।
देखि देव पुनि कहहिं निहोरी। मातु तोहि नहिं थोरिउ खोरी।।
बिसमय हरष रहित रघुराऊ। तुम्ह जानहु सब राम प्रभाऊ।।
जीव करम बस सुख दुख भागी। जाइअ अवध देव हित लागी।।
बार बार गहि चरन सँकोचौ। चली बिचारि बिबुध मति पोची।।
ऊँच निवासु नीचि करतूती। देखि न सकहिं पराइ बिभूती।।
आगिल काजु बिचारि बहोरी। करहहिं चाह कुसल कबि मोरी।।
हरषि हृदयँ दसरथ पुर आई। जनु ग्रह दसा दुसह दुखदाई।।
दोहा/सोरठा
नामु मंथरा मंदमति चेरी कैकेइ केरि।
अजस पेटारी ताहि करि गई गिरा मति फेरि।।12।।
चौपाई
bājahiṃ bājanē bibidha bidhānā. pura pramōdu nahiṃ jāi bakhānā..
bharata āgamanu sakala manāvahiṃ. āvahuom bēgi nayana phalu pāvahiṃ..
hāṭa bāṭa ghara galīṃ athāī. kahahiṃ parasapara lōga lōgāī..
kāli lagana bhali kētika bārā. pūjihi bidhi abhilāṣu hamārā..
kanaka siṃghāsana sīya samētā. baiṭhahiṃ rāmu hōi cita cētā..
sakala kahahiṃ kaba hōihi kālī. bighana manāvahiṃ dēva kucālī..
tinhahi sōhāi na avadha badhāvā. cōrahi caṃdini rāti na bhāvā..
sārada bōli binaya sura karahīṃ. bārahiṃ bāra pāya lai parahīṃ..
चौपाई
suni sura binaya ṭhāḍhai pachitātī. bhaiuom sarōja bipina himarātī..
dēkhi dēva puni kahahiṃ nihōrī. mātu tōhi nahiṃ thōriu khōrī..
bisamaya haraṣa rahita raghurāū. tumha jānahu saba rāma prabhāū..
jīva karama basa sukha dukha bhāgī. jāia avadha dēva hita lāgī..
bāra bāra gahi carana saomkōcau. calī bicāri bibudha mati pōcī..
ūomca nivāsu nīci karatūtī. dēkhi na sakahiṃ parāi bibhūtī..
āgila kāju bicāri bahōrī. karahahiṃ cāha kusala kabi mōrī..
haraṣi hṛdayaom dasaratha pura āī. janu graha dasā dusaha dukhadāī..
