चौपाई
कैकइ सुअन जोगु जग जोई। चतुर बिरंचि दीन्ह मोहि सोई।।
दसरथ तनय राम लघु भाई। दीन्हि मोहि बिधि बादि बड़ाई।।
तुम्ह सब कहहु कढ़ावन टीका। राय रजायसु सब कहँ नीका।।
उतरु देउँ केहि बिधि केहि केही। कहहु सुखेन जथा रुचि जेही।।
मोहि कुमातु समेत बिहाई। कहहु कहिहि के कीन्ह भलाई।।
मो बिनु को सचराचर माहीं। जेहि सिय रामु प्रानप्रिय नाहीं।।
परम हानि सब कहँ बड़ लाहू। अदिनु मोर नहि दूषन काहू।।
संसय सील प्रेम बस अहहू। सबुइ उचित सब जो कछु कहहू।।
दोहा/सोरठा
राम मातु सुठि सरलचित मो पर प्रेमु बिसेषि।
कहइ सुभाय सनेह बस मोरि दीनता देखि।।181।
चौपाई
गुर बिबेक सागर जगु जाना। जिन्हहि बिस्व कर बदर समाना।।
मो कहँ तिलक साज सज सोऊ। भएँ बिधि बिमुख बिमुख सबु कोऊ।।
परिहरि रामु सीय जग माहीं। कोउ न कहिहि मोर मत नाहीं।।
सो मैं सुनब सहब सुखु मानी। अंतहुँ कीच तहाँ जहँ पानी।।
डरु न मोहि जग कहिहि कि पोचू। परलोकहु कर नाहिन सोचू।।
एकइ उर बस दुसह दवारी। मोहि लगि भे सिय रामु दुखारी।।
जीवन लाहु लखन भल पावा। सबु तजि राम चरन मनु लावा।।
मोर जनम रघुबर बन लागी। झूठ काह पछिताउँ अभागी।।
दोहा/सोरठा
आपनि दारुन दीनता कहउँ सबहि सिरु नाइ।
देखें बिनु रघुनाथ पद जिय कै जरनि न जाइ।।182।।
चौपाई
kaikai suana jōgu jaga jōī. catura biraṃci dīnha mōhi sōī..
dasaratha tanaya rāma laghu bhāī. dīnhi mōhi bidhi bādi baḍaāī..
tumha saba kahahu kaḍhaāvana ṭīkā. rāya rajāyasu saba kahaom nīkā..
utaru dēuom kēhi bidhi kēhi kēhī. kahahu sukhēna jathā ruci jēhī..
mōhi kumātu samēta bihāī. kahahu kahihi kē kīnha bhalāī..
mō binu kō sacarācara māhīṃ. jēhi siya rāmu prānapriya nāhīṃ..
parama hāni saba kahaom baḍa lāhū. adinu mōra nahi dūṣana kāhū..
saṃsaya sīla prēma basa ahahū. sabui ucita saba jō kachu kahahū..
चौपाई
gura bibēka sāgara jagu jānā. jinhahi bisva kara badara samānā..
mō kahaom tilaka sāja saja sōū. bhaēom bidhi bimukha bimukha sabu kōū..
parihari rāmu sīya jaga māhīṃ. kōu na kahihi mōra mata nāhīṃ..
sō maiṃ sunaba sahaba sukhu mānī. aṃtahuom kīca tahāom jahaom pānī..
ḍaru na mōhi jaga kahihi ki pōcū. paralōkahu kara nāhina sōcū..
ēkai ura basa dusaha davārī. mōhi lagi bhē siya rāmu dukhārī..
jīvana lāhu lakhana bhala pāvā. sabu taji rāma carana manu lāvā..
mōra janama raghubara bana lāgī. jhūṭha kāha pachitāuom abhāgī..
