चौपाई
कहउँ साँचु सब सुनि पतिआहू। चाहिअ धरमसील नरनाहू।।
मोहि राजु हठि देइहहु जबहीं। रसा रसातल जाइहि तबहीं।।
मोहि समान को पाप निवासू। जेहि लगि सीय राम बनबासू।।
रायँ राम कहुँ काननु दीन्हा। बिछुरत गमनु अमरपुर कीन्हा।।
मैं सठु सब अनरथ कर हेतू। बैठ बात सब सुनउँ सचेतू।।
बिनु रघुबीर बिलोकि अबासू। रहे प्रान सहि जग उपहासू।।
राम पुनीत बिषय रस रूखे। लोलुप भूमि भोग के भूखे।।
कहँ लगि कहौं हृदय कठिनाई। निदरि कुलिसु जेहिं लही बड़ाई।।
दोहा/सोरठा
कारन तें कारजु कठिन होइ दोसु नहि मोर।
कुलिस अस्थि तें उपल तें लोह कराल कठोर।।179।।
चौपाई
कैकेई भव तनु अनुरागे। पाँवर प्रान अघाइ अभागे।।
जौं प्रिय बिरहँ प्रान प्रिय लागे। देखब सुनब बहुत अब आगे।।
लखन राम सिय कहुँ बनु दीन्हा। पठइ अमरपुर पति हित कीन्हा।।
लीन्ह बिधवपन अपजसु आपू। दीन्हेउ प्रजहि सोकु संतापू।।
मोहि दीन्ह सुखु सुजसु सुराजू। कीन्ह कैकेईं सब कर काजू।।
एहि तें मोर काह अब नीका। तेहि पर देन कहहु तुम्ह टीका।।
कैकई जठर जनमि जग माहीं। यह मोहि कहँ कछु अनुचित नाहीं।।
मोरि बात सब बिधिहिं बनाई। प्रजा पाँच कत करहु सहाई।।
दोहा/सोरठा
ग्रह ग्रहीत पुनि बात बस तेहि पुनि बीछी मार।
तेहि पिआइअ बारुनी कहहु काह उपचार।।180।।
चौपाई
kahauom sāomcu saba suni patiāhū. cāhia dharamasīla naranāhū..
mōhi rāju haṭhi dēihahu jabahīṃ. rasā rasātala jāihi tabahīṃ..
mōhi samāna kō pāpa nivāsū. jēhi lagi sīya rāma banabāsū..
rāyaom rāma kahuom kānanu dīnhā. bichurata gamanu amarapura kīnhā..
maiṃ saṭhu saba anaratha kara hētū. baiṭha bāta saba sunauom sacētū..
binu raghubīra bilōki abāsū. rahē prāna sahi jaga upahāsū..
rāma punīta biṣaya rasa rūkhē. lōlupa bhūmi bhōga kē bhūkhē..
kahaom lagi kahauṃ hṛdaya kaṭhināī. nidari kulisu jēhiṃ lahī baḍaāī..
चौपाई
kaikēī bhava tanu anurāgē. pāomvara prāna aghāi abhāgē..
jauṃ priya birahaom prāna priya lāgē. dēkhaba sunaba bahuta aba āgē..
lakhana rāma siya kahuom banu dīnhā. paṭhai amarapura pati hita kīnhā..
līnha bidhavapana apajasu āpū. dīnhēu prajahi sōku saṃtāpū..
mōhi dīnha sukhu sujasu surājū. kīnha kaikēīṃ saba kara kājū..
ēhi tēṃ mōra kāha aba nīkā. tēhi para dēna kahahu tumha ṭīkā..
kaikaī jaṭhara janami jaga māhīṃ. yaha mōhi kahaom kachu anucita nāhīṃ..
mōri bāta saba bidhihiṃ banāī. prajā pāomca kata karahu sahāī..
