चौपाई
लखन सनेहु सुभायँ सुहाएँ। बैरु प्रीति नहिं दुरइँ दुराएँ।।
अस कहि भेंट सँजोवन लागे। कंद मूल फल खग मृग मागे।।
मीन पीन पाठीन पुराने। भरि भरि भार कहारन्ह आने।।
मिलन साजु सजि मिलन सिधाए। मंगल मूल सगुन सुभ पाए।।
देखि दूरि तें कहि निज नामू। कीन्ह मुनीसहि दंड प्रनामू।।
जानि रामप्रिय दीन्हि असीसा। भरतहि कहेउ बुझाइ मुनीसा।।
राम सखा सुनि संदनु त्यागा। चले उतरि उमगत अनुरागा।।
गाउँ जाति गुहँ नाउँ सुनाई। कीन्ह जोहारु माथ महि लाई।।
दोहा/सोरठा
करत दंडवत देखि तेहि भरत लीन्ह उर लाइ।
मनहुँ लखन सन भेंट भइ प्रेम न हृदयँ समाइ।।193।।
चौपाई
भेंटत भरतु ताहि अति प्रीती। लोग सिहाहिं प्रेम कै रीती।।
धन्य धन्य धुनि मंगल मूला। सुर सराहि तेहि बरिसहिं फूला।।
लोक बेद सब भाँतिहिं नीचा। जासु छाँह छुइ लेइअ सींचा।।
तेहि भरि अंक राम लघु भ्राता। मिलत पुलक परिपूरित गाता।।
राम राम कहि जे जमुहाहीं। तिन्हहि न पाप पुंज समुहाहीं।।
यह तौ राम लाइ उर लीन्हा। कुल समेत जगु पावन कीन्हा।।
करमनास जलु सुरसरि परई। तेहि को कहहु सीस नहिं धरई।।
उलटा नामु जपत जगु जाना। बालमीकि भए ब्रह्म समाना।।
दोहा/सोरठा
स्वपच सबर खस जमन जड़ पावँर कोल किरात।
रामु कहत पावन परम होत भुवन बिख्यात।।194।।
चौपाई
lakhana sanēhu subhāyaom suhāēom. bairu prīti nahiṃ duraiom durāēom..
asa kahi bhēṃṭa saomjōvana lāgē. kaṃda mūla phala khaga mṛga māgē..
mīna pīna pāṭhīna purānē. bhari bhari bhāra kahāranha ānē..
milana sāju saji milana sidhāē. maṃgala mūla saguna subha pāē..
dēkhi dūri tēṃ kahi nija nāmū. kīnha munīsahi daṃḍa pranāmū..
jāni rāmapriya dīnhi asīsā. bharatahi kahēu bujhāi munīsā..
rāma sakhā suni saṃdanu tyāgā. calē utari umagata anurāgā..
gāuom jāti guhaom nāuom sunāī. kīnha jōhāru mātha mahi lāī..
चौपाई
bhēṃṭata bharatu tāhi ati prītī. lōga sihāhiṃ prēma kai rītī..
dhanya dhanya dhuni maṃgala mūlā. sura sarāhi tēhi barisahiṃ phūlā..
lōka bēda saba bhāomtihiṃ nīcā. jāsu chāomha chui lēia sīṃcā..
tēhi bhari aṃka rāma laghu bhrātā. milata pulaka paripūrita gātā..
rāma rāma kahi jē jamuhāhīṃ. tinhahi na pāpa puṃja samuhāhīṃ..
yaha tau rāma lāi ura līnhā. kula samēta jagu pāvana kīnhā..
karamanāsa jalu surasari paraī. tēhi kō kahahu sīsa nahiṃ dharaī..
ulaṭā nāmu japata jagu jānā. bālamīki bhaē brahma samānā..
