चौपाई
नहिं अचिरजु जुग जुग चलि आई। केहि न दीन्हि रघुबीर बड़ाई।।
राम नाम महिमा सुर कहहीं। सुनि सुनि अवधलोग सुखु लहहीं।।
रामसखहि मिलि भरत सप्रेमा। पूँछी कुसल सुमंगल खेमा।।
देखि भरत कर सील सनेहू। भा निषाद तेहि समय बिदेहू।।
सकुच सनेहु मोदु मन बाढ़ा। भरतहि चितवत एकटक ठाढ़ा।।
धरि धीरजु पद बंदि बहोरी। बिनय सप्रेम करत कर जोरी।।
कुसल मूल पद पंकज पेखी। मैं तिहुँ काल कुसल निज लेखी।।
अब प्रभु परम अनुग्रह तोरें। सहित कोटि कुल मंगल मोरें।।
दोहा/सोरठा
समुझि मोरि करतूति कुलु प्रभु महिमा जियँ जोइ।
जो न भजइ रघुबीर पद जग बिधि बंचित सोइ।।195।।
चौपाई
कपटी कायर कुमति कुजाती। लोक बेद बाहेर सब भाँती।।
राम कीन्ह आपन जबही तें। भयउँ भुवन भूषन तबही तें।।
देखि प्रीति सुनि बिनय सुहाई। मिलेउ बहोरि भरत लघु भाई।।
कहि निषाद निज नाम सुबानीं। सादर सकल जोहारीं रानीं।।
जानि लखन सम देहिं असीसा। जिअहु सुखी सय लाख बरीसा।।
निरखि निषादु नगर नर नारी। भए सुखी जनु लखनु निहारी।।
कहहिं लहेउ एहिं जीवन लाहू। भेंटेउ रामभद्र भरि बाहू।।
सुनि निषादु निज भाग बड़ाई। प्रमुदित मन लइ चलेउ लेवाई।।
दोहा/सोरठा
सनकारे सेवक सकल चले स्वामि रुख पाइ।
घर तरु तर सर बाग बन बास बनाएन्हि जाइ।।196।।
चौपाई
nahiṃ aciraju juga juga cali āī. kēhi na dīnhi raghubīra baḍaāī..
rāma nāma mahimā sura kahahīṃ. suni suni avadhalōga sukhu lahahīṃ..
rāmasakhahi mili bharata saprēmā. pūomchī kusala sumaṃgala khēmā..
dēkhi bharata kara sīla sanēhū. bhā niṣāda tēhi samaya bidēhū..
sakuca sanēhu mōdu mana bāḍhaā. bharatahi citavata ēkaṭaka ṭhāḍhaā..
dhari dhīraju pada baṃdi bahōrī. binaya saprēma karata kara jōrī..
kusala mūla pada paṃkaja pēkhī. maiṃ tihuom kāla kusala nija lēkhī..
aba prabhu parama anugraha tōrēṃ. sahita kōṭi kula maṃgala mōrēṃ..
चौपाई
kapaṭī kāyara kumati kujātī. lōka bēda bāhēra saba bhāomtī..
rāma kīnha āpana jabahī tēṃ. bhayauom bhuvana bhūṣana tabahī tēṃ..
dēkhi prīti suni binaya suhāī. milēu bahōri bharata laghu bhāī..
kahi niṣāda nija nāma subānīṃ. sādara sakala jōhārīṃ rānīṃ..
jāni lakhana sama dēhiṃ asīsā. jiahu sukhī saya lākha barīsā..
nirakhi niṣādu nagara nara nārī. bhaē sukhī janu lakhanu nihārī..
kahahiṃ lahēu ēhiṃ jīvana lāhū. bhēṃṭēu rāmabhadra bhari bāhū..
suni niṣādu nija bhāga baḍaāī. pramudita mana lai calēu lēvāī..
