चौपाई
बंधु सखा संग लेहिं बोलाई। बन मृगया नित खेलहिं जाई।।
पावन मृग मारहिं जियँ जानी। दिन प्रति नृपहि देखावहिं आनी।।
जे मृग राम बान के मारे। ते तनु तजि सुरलोक सिधारे।।
अनुज सखा सँग भोजन करहीं। मातु पिता अग्या अनुसरहीं।।
जेहि बिधि सुखी होहिं पुर लोगा। करहिं कृपानिधि सोइ संजोगा।।
बेद पुरान सुनहिं मन लाई। आपु कहहिं अनुजन्ह समुझाई।।
प्रातकाल उठि कै रघुनाथा। मातु पिता गुरु नावहिं माथा।।
आयसु मागि करहिं पुर काजा। देखि चरित हरषइ मन राजा।।
दोहा/सोरठा
ब्यापक अकल अनीह अज निर्गुन नाम न रूप।
भगत हेतु नाना बिधि करत चरित्र अनूप।।205।।
चौपाई
यह सब चरित कहा मैं गाई। आगिलि कथा सुनहु मन लाई।।
बिस्वामित्र महामुनि ग्यानी। बसहि बिपिन सुभ आश्रम जानी।।
जहँ जप जग्य मुनि करही। अति मारीच सुबाहुहि डरहीं।।
देखत जग्य निसाचर धावहि। करहि उपद्रव मुनि दुख पावहिं।।
गाधितनय मन चिंता ब्यापी। हरि बिनु मरहि न निसिचर पापी।।
तब मुनिवर मन कीन्ह बिचारा। प्रभु अवतरेउ हरन महि भारा।।
एहुँ मिस देखौं पद जाई। करि बिनती आनौ दोउ भाई।।
ग्यान बिराग सकल गुन अयना। सो प्रभु मै देखब भरि नयना।।
दोहा/सोरठा
बहुबिधि करत मनोरथ जात लागि नहिं बार।
करि मज्जन सरऊ जल गए भूप दरबार।।206।।
चौपाई
baṃdhu sakhā saṃga lēhiṃ bōlāī. bana mṛgayā nita khēlahiṃ jāī..
pāvana mṛga mārahiṃ jiyaom jānī. dina prati nṛpahi dēkhāvahiṃ ānī..
jē mṛga rāma bāna kē mārē. tē tanu taji suralōka sidhārē..
anuja sakhā saomga bhōjana karahīṃ. mātu pitā agyā anusarahīṃ..
jēhi bidhi sukhī hōhiṃ pura lōgā. karahiṃ kṛpānidhi sōi saṃjōgā..
bēda purāna sunahiṃ mana lāī. āpu kahahiṃ anujanha samujhāī..
prātakāla uṭhi kai raghunāthā. mātu pitā guru nāvahiṃ māthā..
āyasu māgi karahiṃ pura kājā. dēkhi carita haraṣai mana rājā..
चौपाई
yaha saba carita kahā maiṃ gāī. āgili kathā sunahu mana lāī..
bisvāmitra mahāmuni gyānī. basahi bipina subha āśrama jānī..
jahaom japa jagya muni karahī. ati mārīca subāhuhi ḍarahīṃ..
dēkhata jagya nisācara dhāvahi. karahi upadrava muni dukha pāvahiṃ..
gādhitanaya mana ciṃtā byāpī. hari binu marahi na nisicara pāpī..
taba munivara mana kīnha bicārā. prabhu avatarēu harana mahi bhārā..
ēhuom misa dēkhauṃ pada jāī. kari binatī ānau dōu bhāī..
gyāna birāga sakala guna ayanā. sō prabhu mai dēkhaba bhari nayanā..
