चौपाई
बोली अपर कहेहु सखि नीका। एहिं बिआह अति हित सबहीं का।।
कोउ कह संकर चाप कठोरा। ए स्यामल मृदुगात किसोरा।।
सबु असमंजस अहइ सयानी। यह सुनि अपर कहइ मृदु बानी।।
सखि इन्ह कहँ कोउ कोउ अस कहहीं। बड़ प्रभाउ देखत लघु अहहीं।।
परसि जासु पद पंकज धूरी। तरी अहल्या कृत अघ भूरी।।
सो कि रहिहि बिनु सिवधनु तोरें। यह प्रतीति परिहरिअ न भोरें।।
जेहिं बिरंचि रचि सीय सँवारी। तेहिं स्यामल बरु रचेउ बिचारी।।
तासु बचन सुनि सब हरषानीं। ऐसेइ होउ कहहिं मुदु बानी।।
दोहा/सोरठा
हियँ हरषहिं बरषहिं सुमन सुमुखि सुलोचनि बृंद।
जाहिं जहाँ जहँ बंधु दोउ तहँ तहँ परमानंद।।223।।
चौपाई
पुर पूरब दिसि गे दोउ भाई। जहँ धनुमख हित भूमि बनाई।।
अति बिस्तार चारु गच ढारी। बिमल बेदिका रुचिर सँवारी।।
चहुँ दिसि कंचन मंच बिसाला। रचे जहाँ बेठहिं महिपाला।।
तेहि पाछें समीप चहुँ पासा। अपर मंच मंडली बिलासा।।
कछुक ऊँचि सब भाँति सुहाई। बैठहिं नगर लोग जहँ जाई।।
तिन्ह के निकट बिसाल सुहाए। धवल धाम बहुबरन बनाए।।
जहँ बैंठैं देखहिं सब नारी। जथा जोगु निज कुल अनुहारी।।
पुर बालक कहि कहि मृदु बचना। सादर प्रभुहि देखावहिं रचना।।
दोहा/सोरठा
सब सिसु एहि मिस प्रेमबस परसि मनोहर गात।
तन पुलकहिं अति हरषु हियँ देखि देखि दोउ भ्रात।।224।।
चौपाई
bōlī apara kahēhu sakhi nīkā. ēhiṃ biāha ati hita sabahīṃ kā..
kōu kaha saṃkara cāpa kaṭhōrā. ē syāmala mṛdugāta kisōrā..
sabu asamaṃjasa ahai sayānī. yaha suni apara kahai mṛdu bānī..
sakhi inha kahaom kōu kōu asa kahahīṃ. baḍa prabhāu dēkhata laghu ahahīṃ..
parasi jāsu pada paṃkaja dhūrī. tarī ahalyā kṛta agha bhūrī..
sō ki rahihi binu sivadhanu tōrēṃ. yaha pratīti pariharia na bhōrēṃ..
jēhiṃ biraṃci raci sīya saomvārī. tēhiṃ syāmala baru racēu bicārī..
tāsu bacana suni saba haraṣānīṃ. aisēi hōu kahahiṃ mudu bānī..
चौपाई
pura pūraba disi gē dōu bhāī. jahaom dhanumakha hita bhūmi banāī..
ati bistāra cāru gaca ḍhārī. bimala bēdikā rucira saomvārī..
cahuom disi kaṃcana maṃca bisālā. racē jahāom bēṭhahiṃ mahipālā..
tēhi pāchēṃ samīpa cahuom pāsā. apara maṃca maṃḍalī bilāsā..
kachuka ūomci saba bhāomti suhāī. baiṭhahiṃ nagara lōga jahaom jāī..
tinha kē nikaṭa bisāla suhāē. dhavala dhāma bahubarana banāē..
jahaom baiṃṭhaiṃ dēkhahiṃ saba nārī. jathā jōgu nija kula anuhārī..
pura bālaka kahi kahi mṛdu bacanā. sādara prabhuhi dēkhāvahiṃ racanā..
