चौपाई
सिसु सब राम प्रेमबस जाने। प्रीति समेत निकेत बखाने।।
निज निज रुचि सब लेंहिं बोलाई। सहित सनेह जाहिं दोउ भाई।।
राम देखावहिं अनुजहि रचना। कहि मृदु मधुर मनोहर बचना।।
लव निमेष महँ भुवन निकाया। रचइ जासु अनुसासन माया।।
भगति हेतु सोइ दीनदयाला। चितवत चकित धनुष मखसाला।।
कौतुक देखि चले गुरु पाहीं। जानि बिलंबु त्रास मन माहीं।।
जासु त्रास डर कहुँ डर होई। भजन प्रभाउ देखावत सोई।।
कहि बातें मृदु मधुर सुहाईं। किए बिदा बालक बरिआई।।
दोहा/सोरठा
सभय सप्रेम बिनीत अति सकुच सहित दोउ भाइ।
गुर पद पंकज नाइ सिर बैठे आयसु पाइ।।225।।
चौपाई
निसि प्रबेस मुनि आयसु दीन्हा। सबहीं संध्याबंदनु कीन्हा।।
कहत कथा इतिहास पुरानी। रुचिर रजनि जुग जाम सिरानी।।
मुनिबर सयन कीन्हि तब जाई। लगे चरन चापन दोउ भाई।।
जिन्ह के चरन सरोरुह लागी। करत बिबिध जप जोग बिरागी।।
तेइ दोउ बंधु प्रेम जनु जीते। गुर पद कमल पलोटत प्रीते।।
बारबार मुनि अग्या दीन्ही। रघुबर जाइ सयन तब कीन्ही।।
चापत चरन लखनु उर लाएँ। सभय सप्रेम परम सचु पाएँ।।
पुनि पुनि प्रभु कह सोवहु ताता। पौढ़े धरि उर पद जलजाता।।
दोहा/सोरठा
उठे लखन निसि बिगत सुनि अरुनसिखा धुनि कान।।
गुर तें पहिलेहिं जगतपति जागे रामु सुजान।।226।।
चौपाई
sisu saba rāma prēmabasa jānē. prīti samēta nikēta bakhānē..
nija nija ruci saba lēṃhiṃ bōlāī. sahita sanēha jāhiṃ dōu bhāī..
rāma dēkhāvahiṃ anujahi racanā. kahi mṛdu madhura manōhara bacanā..
lava nimēṣa mahaom bhuvana nikāyā. racai jāsu anusāsana māyā..
bhagati hētu sōi dīnadayālā. citavata cakita dhanuṣa makhasālā..
kautuka dēkhi calē guru pāhīṃ. jāni bilaṃbu trāsa mana māhīṃ..
jāsu trāsa ḍara kahuom ḍara hōī. bhajana prabhāu dēkhāvata sōī..
kahi bātēṃ mṛdu madhura suhāīṃ. kiē bidā bālaka bariāī..
चौपाई
nisi prabēsa muni āyasu dīnhā. sabahīṃ saṃdhyābaṃdanu kīnhā..
kahata kathā itihāsa purānī. rucira rajani juga jāma sirānī..
munibara sayana kīnhi taba jāī. lagē carana cāpana dōu bhāī..
jinha kē carana sarōruha lāgī. karata bibidha japa jōga birāgī..
tēi dōu baṃdhu prēma janu jītē. gura pada kamala palōṭata prītē..
bārabāra muni agyā dīnhī. raghubara jāi sayana taba kīnhī..
cāpata carana lakhanu ura lāēom. sabhaya saprēma parama sacu pāēom..
puni puni prabhu kaha sōvahu tātā. pauḍhaē dhari ura pada jalajātā..
