चौपाई
अगुन सगुन दुइ ब्रह्म सरूपा। अकथ अगाध अनादि अनूपा।।
मोरें मत बड़ नामु दुहू तें। किए जेहिं जुग निज बस निज बूतें।।
प्रोढ़ि सुजन जनि जानहिं जन की। कहउँ प्रतीति प्रीति रुचि मन की।।
एकु दारुगत देखिअ एकू। पावक सम जुग ब्रह्म बिबेकू।।
उभय अगम जुग सुगम नाम तें। कहेउँ नामु बड़ ब्रह्म राम तें।।
ब्यापकु एकु ब्रह्म अबिनासी। सत चेतन धन आनँद रासी।।
अस प्रभु हृदयँ अछत अबिकारी। सकल जीव जग दीन दुखारी।।
नाम निरूपन नाम जतन तें। सोउ प्रगटत जिमि मोल रतन तें।।
दोहा/सोरठा
निरगुन तें एहि भाँति बड़ नाम प्रभाउ अपार।
कहउँ नामु बड़ राम तें निज बिचार अनुसार।।23।।
चौपाई
राम भगत हित नर तनु धारी। सहि संकट किए साधु सुखारी।।
नामु सप्रेम जपत अनयासा। भगत होहिं मुद मंगल बासा।।
राम एक तापस तिय तारी। नाम कोटि खल कुमति सुधारी।।
रिषि हित राम सुकेतुसुता की। सहित सेन सुत कीन्ह बिबाकी।।
सहित दोष दुख दास दुरासा। दलइ नामु जिमि रबि निसि नासा।।
भंजेउ राम आपु भव चापू। भव भय भंजन नाम प्रतापू।।
दंडक बनु प्रभु कीन्ह सुहावन। जन मन अमित नाम किए पावन।।।
निसिचर निकर दले रघुनंदन। नामु सकल कलि कलुष निकंदन।।
दोहा/सोरठा
सबरी गीध सुसेवकनि सुगति दीन्हि रघुनाथ।
नाम उधारे अमित खल बेद बिदित गुन गाथ।।24।।
चौपाई
aguna saguna dui brahma sarūpā. akatha agādha anādi anūpā..
mōrēṃ mata baḍa nāmu duhū tēṃ. kiē jēhiṃ juga nija basa nija būtēṃ..
prōḍhai sujana jani jānahiṃ jana kī. kahauom pratīti prīti ruci mana kī..
ēku dārugata dēkhia ēkū. pāvaka sama juga brahma bibēkū..
ubhaya agama juga sugama nāma tēṃ. kahēuom nāmu baḍa brahma rāma tēṃ..
byāpaku ēku brahma abināsī. sata cētana dhana ānaomda rāsī..
asa prabhu hṛdayaom achata abikārī. sakala jīva jaga dīna dukhārī..
nāma nirūpana nāma jatana tēṃ. sōu pragaṭata jimi mōla ratana tēṃ..
चौपाई
rāma bhagata hita nara tanu dhārī. sahi saṃkaṭa kiē sādhu sukhārī..
nāmu saprēma japata anayāsā. bhagata hōhiṃ muda maṃgala bāsā..
rāma ēka tāpasa tiya tārī. nāma kōṭi khala kumati sudhārī..
riṣi hita rāma sukētusutā kī. sahita sēna suta kīnha bibākī..
sahita dōṣa dukha dāsa durāsā. dalai nāmu jimi rabi nisi nāsā..
bhaṃjēu rāma āpu bhava cāpū. bhava bhaya bhaṃjana nāma pratāpū..
daṃḍaka banu prabhu kīnha suhāvana. jana mana amita nāma kiē pāvana...
nisicara nikara dalē raghunaṃdana. nāmu sakala kali kaluṣa nikaṃdana..
