चौपाई
समुझत सरिस नाम अरु नामी। प्रीति परसपर प्रभु अनुगामी।।
नाम रूप दुइ ईस उपाधी। अकथ अनादि सुसामुझि साधी।।
को बड़ छोट कहत अपराधू। सुनि गुन भेद समुझिहहिं साधू।।
देखिअहिं रूप नाम आधीना। रूप ग्यान नहिं नाम बिहीना।।
रूप बिसेष नाम बिनु जानें। करतल गत न परहिं पहिचानें।।
सुमिरिअ नाम रूप बिनु देखें। आवत हृदयँ सनेह बिसेषें।।
नाम रूप गति अकथ कहानी। समुझत सुखद न परति बखानी।।
अगुन सगुन बिच नाम सुसाखी। उभय प्रबोधक चतुर दुभाषी।।
दोहा/सोरठा
राम नाम मनिदीप धरु जीह देहरी द्वार।
तुलसी भीतर बाहेरहुँ जौं चाहसि उजिआर।।21।।
चौपाई
नाम जीहँ जपि जागहिं जोगी। बिरति बिरंचि प्रपंच बियोगी।।
ब्रह्मसुखहि अनुभवहिं अनूपा। अकथ अनामय नाम न रूपा।।
जाना चहहिं गूढ़ गति जेऊ। नाम जीहँ जपि जानहिं तेऊ।।
साधक नाम जपहिं लय लाएँ। होहिं सिद्ध अनिमादिक पाएँ।।
जपहिं नामु जन आरत भारी। मिटहिं कुसंकट होहिं सुखारी।।
राम भगत जग चारि प्रकारा। सुकृती चारिउ अनघ उदारा।।
चहू चतुर कहुँ नाम अधारा। ग्यानी प्रभुहि बिसेषि पिआरा।।
चहुँ जुग चहुँ श्रुति ना प्रभाऊ। कलि बिसेषि नहिं आन उपाऊ।।
दोहा/सोरठा
सकल कामना हीन जे राम भगति रस लीन।
नाम सुप्रेम पियूष हद तिन्हहुँ किए मन मीन।।22।।
चौपाई
samujhata sarisa nāma aru nāmī. prīti parasapara prabhu anugāmī..
nāma rūpa dui īsa upādhī. akatha anādi susāmujhi sādhī..
kō baḍa chōṭa kahata aparādhū. suni guna bhēda samujhihahiṃ sādhū..
dēkhiahiṃ rūpa nāma ādhīnā. rūpa gyāna nahiṃ nāma bihīnā..
rūpa bisēṣa nāma binu jānēṃ. karatala gata na parahiṃ pahicānēṃ..
sumiria nāma rūpa binu dēkhēṃ. āvata hṛdayaom sanēha bisēṣēṃ..
nāma rūpa gati akatha kahānī. samujhata sukhada na parati bakhānī..
aguna saguna bica nāma susākhī. ubhaya prabōdhaka catura dubhāṣī..
चौपाई
nāma jīhaom japi jāgahiṃ jōgī. birati biraṃci prapaṃca biyōgī..
brahmasukhahi anubhavahiṃ anūpā. akatha anāmaya nāma na rūpā..
jānā cahahiṃ gūḍha gati jēū. nāma jīhaom japi jānahiṃ tēū..
sādhaka nāma japahiṃ laya lāēom. hōhiṃ siddha animādika pāēom..
japahiṃ nāmu jana ārata bhārī. miṭahiṃ kusaṃkaṭa hōhiṃ sukhārī..
rāma bhagata jaga cāri prakārā. sukṛtī cāriu anagha udārā..
cahū catura kahuom nāma adhārā. gyānī prabhuhi bisēṣi piārā..
cahuom juga cahuom śruti nā prabhāū. kali bisēṣi nahiṃ āna upāū..
