चौपाई
सहज मनोहर मूरति दोऊ। कोटि काम उपमा लघु सोऊ।।
सरद चंद निंदक मुख नीके। नीरज नयन भावते जी के।।
चितवत चारु मार मनु हरनी। भावति हृदय जाति नहीं बरनी।।
कल कपोल श्रुति कुंडल लोला। चिबुक अधर सुंदर मृदु बोला।।
कुमुदबंधु कर निंदक हाँसा। भृकुटी बिकट मनोहर नासा।।
भाल बिसाल तिलक झलकाहीं। कच बिलोकि अलि अवलि लजाहीं।।
पीत चौतनीं सिरन्हि सुहाई। कुसुम कलीं बिच बीच बनाईं।।
रेखें रुचिर कंबु कल गीवाँ। जनु त्रिभुवन सुषमा की सीवाँ।।
दोहा/सोरठा
कुंजर मनि कंठा कलित उरन्हि तुलसिका माल।
बृषभ कंध केहरि ठवनि बल निधि बाहु बिसाल।।243।।
चौपाई
कटि तूनीर पीत पट बाँधे। कर सर धनुष बाम बर काँधे।।
पीत जग्य उपबीत सुहाए। नख सिख मंजु महाछबि छाए।।
देखि लोग सब भए सुखारे। एकटक लोचन चलत न तारे।।
हरषे जनकु देखि दोउ भाई। मुनि पद कमल गहे तब जाई।।
करि बिनती निज कथा सुनाई। रंग अवनि सब मुनिहि देखाई।।
जहँ जहँ जाहि कुअँर बर दोऊ। तहँ तहँ चकित चितव सबु कोऊ।।
निज निज रुख रामहि सबु देखा। कोउ न जान कछु मरमु बिसेषा।।
भलि रचना मुनि नृप सन कहेऊ। राजाँ मुदित महासुख लहेऊ।।
दोहा/सोरठा
सब मंचन्ह ते मंचु एक सुंदर बिसद बिसाल।
मुनि समेत दोउ बंधु तहँ बैठारे महिपाल।।244।।
चौपाई
sahaja manōhara mūrati dōū. kōṭi kāma upamā laghu sōū..
sarada caṃda niṃdaka mukha nīkē. nīraja nayana bhāvatē jī kē..
citavata cāru māra manu haranī. bhāvati hṛdaya jāti nahīṃ baranī..
kala kapōla śruti kuṃḍala lōlā. cibuka adhara suṃdara mṛdu bōlā..
kumudabaṃdhu kara niṃdaka hāomsā. bhṛkuṭī bikaṭa manōhara nāsā..
bhāla bisāla tilaka jhalakāhīṃ. kaca bilōki ali avali lajāhīṃ..
pīta cautanīṃ siranhi suhāī. kusuma kalīṃ bica bīca banāīṃ..
rēkhēṃ rucira kaṃbu kala gīvāom. janu tribhuvana suṣamā kī sīvāom..
चौपाई
kaṭi tūnīra pīta paṭa bāomdhē. kara sara dhanuṣa bāma bara kāomdhē..
pīta jagya upabīta suhāē. nakha sikha maṃju mahāchabi chāē..
dēkhi lōga saba bhaē sukhārē. ēkaṭaka lōcana calata na tārē..
haraṣē janaku dēkhi dōu bhāī. muni pada kamala gahē taba jāī..
kari binatī nija kathā sunāī. raṃga avani saba munihi dēkhāī..
jahaom jahaom jāhi kuaomra bara dōū. tahaom tahaom cakita citava sabu kōū..
nija nija rukha rāmahi sabu dēkhā. kōu na jāna kachu maramu bisēṣā..
bhali racanā muni nṛpa sana kahēū. rājāom mudita mahāsukha lahēū..
