चौपाई
रघुबंसिन्ह महुँ जहँ कोउ होई। तेहिं समाज अस कहइ न कोई।।
कही जनक जसि अनुचित बानी। बिद्यमान रघुकुल मनि जानी।।
सुनहु भानुकुल पंकज भानू। कहउँ सुभाउ न कछु अभिमानू।।
जौ तुम्हारि अनुसासन पावौं। कंदुक इव ब्रह्मांड उठावौं।।
काचे घट जिमि डारौं फोरी। सकउँ मेरु मूलक जिमि तोरी।।
तव प्रताप महिमा भगवाना। को बापुरो पिनाक पुराना।।
नाथ जानि अस आयसु होऊ। कौतुकु करौं बिलोकिअ सोऊ।।
कमल नाल जिमि चाफ चढ़ावौं। जोजन सत प्रमान लै धावौं।।
दोहा/सोरठा
तोरौं छत्रक दंड जिमि तव प्रताप बल नाथ।
जौं न करौं प्रभु पद सपथ कर न धरौं धनु भाथ।।253।।
चौपाई
लखन सकोप बचन जे बोले। डगमगानि महि दिग्गज डोले।।
सकल लोक सब भूप डेराने। सिय हियँ हरषु जनकु सकुचाने।।
गुर रघुपति सब मुनि मन माहीं। मुदित भए पुनि पुनि पुलकाहीं।।
सयनहिं रघुपति लखनु नेवारे। प्रेम समेत निकट बैठारे।।
बिस्वामित्र समय सुभ जानी। बोले अति सनेहमय बानी।।
उठहु राम भंजहु भवचापा। मेटहु तात जनक परितापा।।
सुनि गुरु बचन चरन सिरु नावा। हरषु बिषादु न कछु उर आवा।।
ठाढ़े भए उठि सहज सुभाएँ। ठवनि जुबा मृगराजु लजाएँ।।
दोहा/सोरठा
उदित उदयगिरि मंच पर रघुबर बालपतंग।
बिकसे संत सरोज सब हरषे लोचन भृंग।।254।।
चौपाई
raghubaṃsinha mahuom jahaom kōu hōī. tēhiṃ samāja asa kahai na kōī..
kahī janaka jasi anucita bānī. bidyamāna raghukula mani jānī..
sunahu bhānukula paṃkaja bhānū. kahauom subhāu na kachu abhimānū..
jau tumhāri anusāsana pāvauṃ. kaṃduka iva brahmāṃḍa uṭhāvauṃ..
kācē ghaṭa jimi ḍārauṃ phōrī. sakauom mēru mūlaka jimi tōrī..
tava pratāpa mahimā bhagavānā. kō bāpurō pināka purānā..
nātha jāni asa āyasu hōū. kautuku karauṃ bilōkia sōū..
kamala nāla jimi cāpha caḍhaāvauṃ. jōjana sata pramāna lai dhāvauṃ..
चौपाई
lakhana sakōpa bacana jē bōlē. ḍagamagāni mahi diggaja ḍōlē..
sakala lōka saba bhūpa ḍērānē. siya hiyaom haraṣu janaku sakucānē..
gura raghupati saba muni mana māhīṃ. mudita bhaē puni puni pulakāhīṃ..
sayanahiṃ raghupati lakhanu nēvārē. prēma samēta nikaṭa baiṭhārē..
bisvāmitra samaya subha jānī. bōlē ati sanēhamaya bānī..
uṭhahu rāma bhaṃjahu bhavacāpā. mēṭahu tāta janaka paritāpā..
suni guru bacana carana siru nāvā. haraṣu biṣādu na kachu ura āvā..
ṭhāḍhaē bhaē uṭhi sahaja subhāēom. ṭhavani jubā mṛgarāju lajāēom..
