चौपाई
नृपन्ह केरि आसा निसि नासी। बचन नखत अवली न प्रकासी।।
मानी महिप कुमुद सकुचाने। कपटी भूप उलूक लुकाने।।
भए बिसोक कोक मुनि देवा। बरिसहिं सुमन जनावहिं सेवा।।
गुर पद बंदि सहित अनुरागा। राम मुनिन्ह सन आयसु मागा।।
सहजहिं चले सकल जग स्वामी। मत्त मंजु बर कुंजर गामी।।
चलत राम सब पुर नर नारी। पुलक पूरि तन भए सुखारी।।
बंदि पितर सुर सुकृत सँभारे। जौं कछु पुन्य प्रभाउ हमारे।।
तौ सिवधनु मृनाल की नाईं। तोरहुँ राम गनेस गोसाईं।।
दोहा/सोरठा
रामहि प्रेम समेत लखि सखिन्ह समीप बोलाइ।
सीता मातु सनेह बस बचन कहइ बिलखाइ।।255।।
चौपाई
सखि सब कौतुक देखनिहारे। जेठ कहावत हितू हमारे।।
कोउ न बुझाइ कहइ गुर पाहीं। ए बालक असि हठ भलि नाहीं।।
रावन बान छुआ नहिं चापा। हारे सकल भूप करि दापा।।
सो धनु राजकुअँर कर देहीं। बाल मराल कि मंदर लेहीं।।
भूप सयानप सकल सिरानी। सखि बिधि गति कछु जाति न जानी।।
बोली चतुर सखी मृदु बानी। तेजवंत लघु गनिअ न रानी।।
कहँ कुंभज कहँ सिंधु अपारा। सोषेउ सुजसु सकल संसारा।।
रबि मंडल देखत लघु लागा। उदयँ तासु तिभुवन तम भागा।।
दोहा/सोरठा
मंत्र परम लघु जासु बस बिधि हरि हर सुर सर्ब।
महामत्त गजराज कहुँ बस कर अंकुस खर्ब।।256।।
चौपाई
nṛpanha kēri āsā nisi nāsī. bacana nakhata avalī na prakāsī..
mānī mahipa kumuda sakucānē. kapaṭī bhūpa ulūka lukānē..
bhaē bisōka kōka muni dēvā. barisahiṃ sumana janāvahiṃ sēvā..
gura pada baṃdi sahita anurāgā. rāma muninha sana āyasu māgā..
sahajahiṃ calē sakala jaga svāmī. matta maṃju bara kuṃjara gāmī..
calata rāma saba pura nara nārī. pulaka pūri tana bhaē sukhārī..
baṃdi pitara sura sukṛta saombhārē. jauṃ kachu punya prabhāu hamārē..
tau sivadhanu mṛnāla kī nāīṃ. tōrahuom rāma ganēsa gōsāīṃ..
चौपाई
sakhi saba kautuka dēkhanihārē. jēṭha kahāvata hitū hamārē..
kōu na bujhāi kahai gura pāhīṃ. ē bālaka asi haṭha bhali nāhīṃ..
rāvana bāna chuā nahiṃ cāpā. hārē sakala bhūpa kari dāpā..
sō dhanu rājakuaomra kara dēhīṃ. bāla marāla ki maṃdara lēhīṃ..
bhūpa sayānapa sakala sirānī. sakhi bidhi gati kachu jāti na jānī..
bōlī catura sakhī mṛdu bānī. tējavaṃta laghu gania na rānī..
kahaom kuṃbhaja kahaom siṃdhu apārā. sōṣēu sujasu sakala saṃsārā..
rabi maṃḍala dēkhata laghu lāgā. udayaom tāsu tibhuvana tama bhāgā..
