चौपाई
बैनतेय बलि जिमि चह कागू। जिमि ससु चहै नाग अरि भागू।।
जिमि चह कुसल अकारन कोही। सब संपदा चहै सिवद्रोही।।
लोभी लोलुप कल कीरति चहई। अकलंकता कि कामी लहई।।
हरि पद बिमुख परम गति चाहा। तस तुम्हार लालचु नरनाहा।।
कोलाहलु सुनि सीय सकानी। सखीं लवाइ गईं जहँ रानी।।
रामु सुभायँ चले गुरु पाहीं। सिय सनेहु बरनत मन माहीं।।
रानिन्ह सहित सोचबस सीया। अब धौं बिधिहि काह करनीया।।
भूप बचन सुनि इत उत तकहीं। लखनु राम डर बोलि न सकहीं।।
दोहा/सोरठा
अरुन नयन भृकुटी कुटिल चितवत नृपन्ह सकोप।
मनहुँ मत्त गजगन निरखि सिंघकिसोरहि चोप।।267।।
चौपाई
खरभरु देखि बिकल पुर नारीं। सब मिलि देहिं महीपन्ह गारीं।।
तेहिं अवसर सुनि सिव धनु भंगा। आयसु भृगुकुल कमल पतंगा।।
देखि महीप सकल सकुचाने। बाज झपट जनु लवा लुकाने।।
गौरि सरीर भूति भल भ्राजा। भाल बिसाल त्रिपुंड बिराजा।।
सीस जटा ससिबदनु सुहावा। रिसबस कछुक अरुन होइ आवा।।
भृकुटी कुटिल नयन रिस राते। सहजहुँ चितवत मनहुँ रिसाते।।
बृषभ कंध उर बाहु बिसाला। चारु जनेउ माल मृगछाला।।
कटि मुनि बसन तून दुइ बाँधें। धनु सर कर कुठारु कल काँधें।।
दोहा/सोरठा
सांत बेषु करनी कठिन बरनि न जाइ सरुप।
धरि मुनितनु जनु बीर रसु आयउ जहँ सब भूप।।268।।
चौपाई
bainatēya bali jimi caha kāgū. jimi sasu cahai nāga ari bhāgū..
jimi caha kusala akārana kōhī. saba saṃpadā cahai sivadrōhī..
lōbhī lōlupa kala kīrati cahaī. akalaṃkatā ki kāmī lahaī..
hari pada bimukha parama gati cāhā. tasa tumhāra lālacu naranāhā..
kōlāhalu suni sīya sakānī. sakhīṃ lavāi gaīṃ jahaom rānī..
rāmu subhāyaom calē guru pāhīṃ. siya sanēhu baranata mana māhīṃ..
rāninha sahita sōcabasa sīyā. aba dhauṃ bidhihi kāha karanīyā..
bhūpa bacana suni ita uta takahīṃ. lakhanu rāma ḍara bōli na sakahīṃ..
चौपाई
kharabharu dēkhi bikala pura nārīṃ. saba mili dēhiṃ mahīpanha gārīṃ..
tēhiṃ avasara suni siva dhanu bhaṃgā. āyasu bhṛgukula kamala pataṃgā..
dēkhi mahīpa sakala sakucānē. bāja jhapaṭa janu lavā lukānē..
gauri sarīra bhūti bhala bhrājā. bhāla bisāla tripuṃḍa birājā..
sīsa jaṭā sasibadanu suhāvā. risabasa kachuka aruna hōi āvā..
bhṛkuṭī kuṭila nayana risa rātē. sahajahuom citavata manahuom risātē..
bṛṣabha kaṃdha ura bāhu bisālā. cāru janēu māla mṛgachālā..
kaṭi muni basana tūna dui bāomdhēṃ. dhanu sara kara kuṭhāru kala kāomdhēṃ..
