चौपाई
देखत भृगुपति बेषु कराला। उठे सकल भय बिकल भुआला।।
पितु समेत कहि कहि निज नामा। लगे करन सब दंड प्रनामा।।
जेहि सुभायँ चितवहिं हितु जानी। सो जानइ जनु आइ खुटानी।।
जनक बहोरि आइ सिरु नावा। सीय बोलाइ प्रनामु करावा।।
आसिष दीन्हि सखीं हरषानीं। निज समाज लै गई सयानीं।।
बिस्वामित्रु मिले पुनि आई। पद सरोज मेले दोउ भाई।।
रामु लखनु दसरथ के ढोटा। दीन्हि असीस देखि भल जोटा।।
रामहि चितइ रहे थकि लोचन। रूप अपार मार मद मोचन।।
दोहा/सोरठा
बहुरि बिलोकि बिदेह सन कहहु काह अति भीर।।
पूछत जानि अजान जिमि ब्यापेउ कोपु सरीर।।269।।
चौपाई
समाचार कहि जनक सुनाए। जेहि कारन महीप सब आए।।
सुनत बचन फिरि अनत निहारे। देखे चापखंड महि डारे।।
अति रिस बोले बचन कठोरा। कहु जड़ जनक धनुष कै तोरा।।
बेगि देखाउ मूढ़ न त आजू। उलटउँ महि जहँ लहि तव राजू।।
अति डरु उतरु देत नृपु नाहीं। कुटिल भूप हरषे मन माहीं।।
सुर मुनि नाग नगर नर नारी।।सोचहिं सकल त्रास उर भारी।।
मन पछिताति सीय महतारी। बिधि अब सँवरी बात बिगारी।।
भृगुपति कर सुभाउ सुनि सीता। अरध निमेष कलप सम बीता।।
दोहा/सोरठा
सभय बिलोके लोग सब जानि जानकी भीरु।
हृदयँ न हरषु बिषादु कछु बोले श्रीरघुबीरु।।270।।
चौपाई
dēkhata bhṛgupati bēṣu karālā. uṭhē sakala bhaya bikala bhuālā..
pitu samēta kahi kahi nija nāmā. lagē karana saba daṃḍa pranāmā..
jēhi subhāyaom citavahiṃ hitu jānī. sō jānai janu āi khuṭānī..
janaka bahōri āi siru nāvā. sīya bōlāi pranāmu karāvā..
āsiṣa dīnhi sakhīṃ haraṣānīṃ. nija samāja lai gaī sayānīṃ..
bisvāmitru milē puni āī. pada sarōja mēlē dōu bhāī..
rāmu lakhanu dasaratha kē ḍhōṭā. dīnhi asīsa dēkhi bhala jōṭā..
rāmahi citai rahē thaki lōcana. rūpa apāra māra mada mōcana..
चौपाई
samācāra kahi janaka sunāē. jēhi kārana mahīpa saba āē..
sunata bacana phiri anata nihārē. dēkhē cāpakhaṃḍa mahi ḍārē..
ati risa bōlē bacana kaṭhōrā. kahu jaḍa janaka dhanuṣa kai tōrā..
bēgi dēkhāu mūḍha na ta ājū. ulaṭauom mahi jahaom lahi tava rājū..
ati ḍaru utaru dēta nṛpu nāhīṃ. kuṭila bhūpa haraṣē mana māhīṃ..
sura muni nāga nagara nara nārī..sōcahiṃ sakala trāsa ura bhārī..
mana pachitāti sīya mahatārī. bidhi aba saomvarī bāta bigārī..
bhṛgupati kara subhāu suni sītā. aradha nimēṣa kalapa sama bītā..
