चौपाई
बिहसि लखनु बोले मृदु बानी। अहो मुनीसु महा भटमानी।।
पुनि पुनि मोहि देखाव कुठारू। चहत उड़ावन फूँकि पहारू।।
इहाँ कुम्हड़बतिया कोउ नाहीं। जे तरजनी देखि मरि जाहीं।।
देखि कुठारु सरासन बाना। मैं कछु कहा सहित अभिमाना।।
भृगुसुत समुझि जनेउ बिलोकी। जो कछु कहहु सहउँ रिस रोकी।।
सुर महिसुर हरिजन अरु गाई। हमरें कुल इन्ह पर न सुराई।।
बधें पापु अपकीरति हारें। मारतहूँ पा परिअ तुम्हारें।।
कोटि कुलिस सम बचनु तुम्हारा। ब्यर्थ धरहु धनु बान कुठारा।।
दोहा/सोरठा
जो बिलोकि अनुचित कहेउँ छमहु महामुनि धीर।
सुनि सरोष भृगुबंसमनि बोले गिरा गभीर।।273।।
चौपाई
कौसिक सुनहु मंद यहु बालकु। कुटिल कालबस निज कुल घालकु।।
भानु बंस राकेस कलंकू। निपट निरंकुस अबुध असंकू।।
काल कवलु होइहि छन माहीं। कहउँ पुकारि खोरि मोहि नाहीं।।
तुम्ह हटकउ जौं चहहु उबारा। कहि प्रतापु बलु रोषु हमारा।।
लखन कहेउ मुनि सुजस तुम्हारा। तुम्हहि अछत को बरनै पारा।।
अपने मुँह तुम्ह आपनि करनी। बार अनेक भाँति बहु बरनी।।
नहिं संतोषु त पुनि कछु कहहू। जनि रिस रोकि दुसह दुख सहहू।।
बीरब्रती तुम्ह धीर अछोभा। गारी देत न पावहु सोभा।।
दोहा/सोरठा
सूर समर करनी करहिं कहि न जनावहिं आपु।
बिद्यमान रन पाइ रिपु कायर कथहिं प्रतापु।।274।।
चौपाई
bihasi lakhanu bōlē mṛdu bānī. ahō munīsu mahā bhaṭamānī..
puni puni mōhi dēkhāva kuṭhārū. cahata uḍaāvana phūomki pahārū..
ihāom kumhaḍabatiyā kōu nāhīṃ. jē tarajanī dēkhi mari jāhīṃ..
dēkhi kuṭhāru sarāsana bānā. maiṃ kachu kahā sahita abhimānā..
bhṛgusuta samujhi janēu bilōkī. jō kachu kahahu sahauom risa rōkī..
sura mahisura harijana aru gāī. hamarēṃ kula inha para na surāī..
badhēṃ pāpu apakīrati hārēṃ. māratahūom pā paria tumhārēṃ..
kōṭi kulisa sama bacanu tumhārā. byartha dharahu dhanu bāna kuṭhārā..
चौपाई
kausika sunahu maṃda yahu bālaku. kuṭila kālabasa nija kula ghālaku..
bhānu baṃsa rākēsa kalaṃkū. nipaṭa niraṃkusa abudha asaṃkū..
kāla kavalu hōihi chana māhīṃ. kahauom pukāri khōri mōhi nāhīṃ..
tumha haṭakau jauṃ cahahu ubārā. kahi pratāpu balu rōṣu hamārā..
lakhana kahēu muni sujasa tumhārā. tumhahi achata kō baranai pārā..
apanē muomha tumha āpani karanī. bāra anēka bhāomti bahu baranī..
nahiṃ saṃtōṣu ta puni kachu kahahū. jani risa rōki dusaha dukha sahahū..
bīrabratī tumha dhīra achōbhā. gārī dēta na pāvahu sōbhā..
