चौपाई
नाथ संभुधनु भंजनिहारा। होइहि केउ एक दास तुम्हारा।।
आयसु काह कहिअ किन मोही। सुनि रिसाइ बोले मुनि कोही।।
सेवकु सो जो करै सेवकाई। अरि करनी करि करिअ लराई।।
सुनहु राम जेहिं सिवधनु तोरा। सहसबाहु सम सो रिपु मोरा।।
सो बिलगाउ बिहाइ समाजा। न त मारे जैहहिं सब राजा।।
सुनि मुनि बचन लखन मुसुकाने। बोले परसुधरहि अपमाने।।
बहु धनुहीं तोरीं लरिकाईं। कबहुँ न असि रिस कीन्हि गोसाईं।।
एहि धनु पर ममता केहि हेतू। सुनि रिसाइ कह भृगुकुलकेतू।।
दोहा/सोरठा
रे नृप बालक कालबस बोलत तोहि न सँमार।।
धनुही सम तिपुरारि धनु बिदित सकल संसार।।271।।
चौपाई
लखन कहा हँसि हमरें जाना। सुनहु देव सब धनुष समाना।।
का छति लाभु जून धनु तौरें। देखा राम नयन के भोरें।।
छुअत टूट रघुपतिहु न दोसू। मुनि बिनु काज करिअ कत रोसू ।
बोले चितइ परसु की ओरा। रे सठ सुनेहि सुभाउ न मोरा।।
बालकु बोलि बधउँ नहिं तोही। केवल मुनि जड़ जानहि मोही।।
बाल ब्रह्मचारी अति कोही। बिस्व बिदित छत्रियकुल द्रोही।।
भुजबल भूमि भूप बिनु कीन्ही। बिपुल बार महिदेवन्ह दीन्ही।।
सहसबाहु भुज छेदनिहारा। परसु बिलोकु महीपकुमारा।।
दोहा/सोरठा
मातु पितहि जनि सोचबस करसि महीसकिसोर।
गर्भन्ह के अर्भक दलन परसु मोर अति घोर।।272।।
चौपाई
nātha saṃbhudhanu bhaṃjanihārā. hōihi kēu ēka dāsa tumhārā..
āyasu kāha kahia kina mōhī. suni risāi bōlē muni kōhī..
sēvaku sō jō karai sēvakāī. ari karanī kari karia larāī..
sunahu rāma jēhiṃ sivadhanu tōrā. sahasabāhu sama sō ripu mōrā..
sō bilagāu bihāi samājā. na ta mārē jaihahiṃ saba rājā..
suni muni bacana lakhana musukānē. bōlē parasudharahi apamānē..
bahu dhanuhīṃ tōrīṃ larikāīṃ. kabahuom na asi risa kīnhi gōsāīṃ..
ēhi dhanu para mamatā kēhi hētū. suni risāi kaha bhṛgukulakētū..
चौपाई
lakhana kahā haomsi hamarēṃ jānā. sunahu dēva saba dhanuṣa samānā..
kā chati lābhu jūna dhanu taurēṃ. dēkhā rāma nayana kē bhōrēṃ..
chuata ṭūṭa raghupatihu na dōsū. muni binu kāja karia kata rōsū .
bōlē citai parasu kī ōrā. rē saṭha sunēhi subhāu na mōrā..
bālaku bōli badhauom nahiṃ tōhī. kēvala muni jaḍa jānahi mōhī..
bāla brahmacārī ati kōhī. bisva bidita chatriyakula drōhī..
bhujabala bhūmi bhūpa binu kīnhī. bipula bāra mahidēvanha dīnhī..
sahasabāhu bhuja chēdanihārā. parasu bilōku mahīpakumārā..
