चौपाई
नाथ करहु बालक पर छोहू। सूध दूधमुख करिअ न कोहू।।
जौं पै प्रभु प्रभाउ कछु जाना। तौ कि बराबरि करत अयाना।।
जौं लरिका कछु अचगरि करहीं। गुर पितु मातु मोद मन भरहीं।।
करिअ कृपा सिसु सेवक जानी। तुम्ह सम सील धीर मुनि ग्यानी।।
राम बचन सुनि कछुक जुड़ाने। कहि कछु लखनु बहुरि मुसकाने।।
हँसत देखि नख सिख रिस ब्यापी। राम तोर भ्राता बड़ पापी।।
गौर सरीर स्याम मन माहीं। कालकूटमुख पयमुख नाहीं।।
सहज टेढ़ अनुहरइ न तोही। नीचु मीचु सम देख न मौहीं।।
दोहा/सोरठा
लखन कहेउ हँसि सुनहु मुनि क्रोधु पाप कर मूल।
जेहि बस जन अनुचित करहिं चरहिं बिस्व प्रतिकूल।।277।।
चौपाई
मैं तुम्हार अनुचर मुनिराया। परिहरि कोपु करिअ अब दाया।।
टूट चाप नहिं जुरहि रिसाने। बैठिअ होइहिं पाय पिराने।।
जौ अति प्रिय तौ करिअ उपाई। जोरिअ कोउ बड़ गुनी बोलाई।।
बोलत लखनहिं जनकु डेराहीं। मष्ट करहु अनुचित भल नाहीं।।
थर थर कापहिं पुर नर नारी। छोट कुमार खोट बड़ भारी।।
भृगुपति सुनि सुनि निरभय बानी। रिस तन जरइ होइ बल हानी।।
बोले रामहि देइ निहोरा। बचउँ बिचारि बंधु लघु तोरा।।
मनु मलीन तनु सुंदर कैसें। बिष रस भरा कनक घटु जैसैं।।
दोहा/सोरठा
सुनि लछिमन बिहसे बहुरि नयन तरेरे राम।
गुर समीप गवने सकुचि परिहरि बानी बाम।।278।।
चौपाई
nātha karahu bālaka para chōhū. sūdha dūdhamukha karia na kōhū..
jauṃ pai prabhu prabhāu kachu jānā. tau ki barābari karata ayānā..
jauṃ larikā kachu acagari karahīṃ. gura pitu mātu mōda mana bharahīṃ..
karia kṛpā sisu sēvaka jānī. tumha sama sīla dhīra muni gyānī..
rāma bacana suni kachuka juḍaānē. kahi kachu lakhanu bahuri musakānē..
haomsata dēkhi nakha sikha risa byāpī. rāma tōra bhrātā baḍa pāpī..
gaura sarīra syāma mana māhīṃ. kālakūṭamukha payamukha nāhīṃ..
sahaja ṭēḍha anuharai na tōhī. nīcu mīcu sama dēkha na mauhīṃ..
चौपाई
maiṃ tumhāra anucara munirāyā. parihari kōpu karia aba dāyā..
ṭūṭa cāpa nahiṃ jurahi risānē. baiṭhia hōihiṃ pāya pirānē..
jau ati priya tau karia upāī. jōria kōu baḍa gunī bōlāī..
bōlata lakhanahiṃ janaku ḍērāhīṃ. maṣṭa karahu anucita bhala nāhīṃ..
thara thara kāpahiṃ pura nara nārī. chōṭa kumāra khōṭa baḍa bhārī..
bhṛgupati suni suni nirabhaya bānī. risa tana jarai hōi bala hānī..
bōlē rāmahi dēi nihōrā. bacauom bicāri baṃdhu laghu tōrā..
manu malīna tanu suṃdara kaisēṃ. biṣa rasa bharā kanaka ghaṭu jaisaiṃ..
