चौपाई
अति बिनीत मृदु सीतल बानी। बोले रामु जोरि जुग पानी।।
सुनहु नाथ तुम्ह सहज सुजाना। बालक बचनु करिअ नहिं काना।।
बररै बालक एकु सुभाऊ। इन्हहि न संत बिदूषहिं काऊ।।
तेहिं नाहीं कछु काज बिगारा। अपराधी में नाथ तुम्हारा।।
कृपा कोपु बधु बँधब गोसाईं। मो पर करिअ दास की नाई।।
कहिअ बेगि जेहि बिधि रिस जाई। मुनिनायक सोइ करौं उपाई।।
कह मुनि राम जाइ रिस कैसें। अजहुँ अनुज तव चितव अनैसें।।
एहि के कंठ कुठारु न दीन्हा। तौ मैं काह कोपु करि कीन्हा।।
दोहा/सोरठा
गर्भ स्त्रवहिं अवनिप रवनि सुनि कुठार गति घोर।
परसु अछत देखउँ जिअत बैरी भूपकिसोर।।279।।
चौपाई
बहइ न हाथु दहइ रिस छाती। भा कुठारु कुंठित नृपघाती।।
भयउ बाम बिधि फिरेउ सुभाऊ। मोरे हृदयँ कृपा कसि काऊ।।
आजु दया दुखु दुसह सहावा। सुनि सौमित्र बिहसि सिरु नावा।।
बाउ कृपा मूरति अनुकूला। बोलत बचन झरत जनु फूला।।
जौं पै कृपाँ जरिहिं मुनि गाता। क्रोध भएँ तनु राख बिधाता।।
देखु जनक हठि बालक एहू। कीन्ह चहत जड़ जमपुर गेहू।।
बेगि करहु किन आँखिन्ह ओटा। देखत छोट खोट नृप ढोटा।।
बिहसे लखनु कहा मन माहीं। मूदें आँखि कतहुँ कोउ नाहीं।।
दोहा/सोरठा
परसुरामु तब राम प्रति बोले उर अति क्रोधु।
संभु सरासनु तोरि सठ करसि हमार प्रबोधु।।280।।
चौपाई
ati binīta mṛdu sītala bānī. bōlē rāmu jōri juga pānī..
sunahu nātha tumha sahaja sujānā. bālaka bacanu karia nahiṃ kānā..
bararai bālaka ēku subhāū. inhahi na saṃta bidūṣahiṃ kāū..
tēhiṃ nāhīṃ kachu kāja bigārā. aparādhī mēṃ nātha tumhārā..
kṛpā kōpu badhu baomdhaba gōsāīṃ. mō para karia dāsa kī nāī..
kahia bēgi jēhi bidhi risa jāī. munināyaka sōi karauṃ upāī..
kaha muni rāma jāi risa kaisēṃ. ajahuom anuja tava citava anaisēṃ..
ēhi kē kaṃṭha kuṭhāru na dīnhā. tau maiṃ kāha kōpu kari kīnhā..
चौपाई
bahai na hāthu dahai risa chātī. bhā kuṭhāru kuṃṭhita nṛpaghātī..
bhayau bāma bidhi phirēu subhāū. mōrē hṛdayaom kṛpā kasi kāū..
āju dayā dukhu dusaha sahāvā. suni saumitra bihasi siru nāvā..
bāu kṛpā mūrati anukūlā. bōlata bacana jharata janu phūlā..
jauṃ pai kṛpāom jarihiṃ muni gātā. krōdha bhaēom tanu rākha bidhātā..
dēkhu janaka haṭhi bālaka ēhū. kīnha cahata jaḍa jamapura gēhū..
bēgi karahu kina āomkhinha ōṭā. dēkhata chōṭa khōṭa nṛpa ḍhōṭā..
bihasē lakhanu kahā mana māhīṃ. mūdēṃ āomkhi katahuom kōu nāhīṃ..
