चौपाई
चहुँ जुग तीनि काल तिहुँ लोका। भए नाम जपि जीव बिसोका।।
बेद पुरान संत मत एहू। सकल सुकृत फल राम सनेहू।।
ध्यानु प्रथम जुग मखबिधि दूजें। द्वापर परितोषत प्रभु पूजें।।
कलि केवल मल मूल मलीना। पाप पयोनिधि जन मन मीना।।
नाम कामतरु काल कराला। सुमिरत समन सकल जग जाला।।
राम नाम कलि अभिमत दाता। हित परलोक लोक पितु माता।।
नहिं कलि करम न भगति बिबेकू। राम नाम अवलंबन एकू।।
कालनेमि कलि कपट निधानू। नाम सुमति समरथ हनुमानू।।
दोहा/सोरठा
राम नाम नरकेसरी कनककसिपु कलिकाल।
जापक जन प्रहलाद जिमि पालिहि दलि सुरसाल।।27।।
चौपाई
भायँ कुभायँ अनख आलसहूँ। नाम जपत मंगल दिसि दसहूँ।।
सुमिरि सो नाम राम गुन गाथा। करउँ नाइ रघुनाथहि माथा।।
मोरि सुधारिहि सो सब भाँती। जासु कृपा नहिं कृपाँ अघाती।।
राम सुस्वामि कुसेवकु मोसो। निज दिसि दैखि दयानिधि पोसो।।
लोकहुँ बेद सुसाहिब रीतीं। बिनय सुनत पहिचानत प्रीती।।
गनी गरीब ग्रामनर नागर। पंडित मूढ़ मलीन उजागर।।
सुकबि कुकबि निज मति अनुहारी। नृपहि सराहत सब नर नारी।।
साधु सुजान सुसील नृपाला। ईस अंस भव परम कृपाला।।
सुनि सनमानहिं सबहि सुबानी। भनिति भगति नति गति पहिचानी।।
यह प्राकृत महिपाल सुभाऊ। जान सिरोमनि कोसलराऊ।।
रीझत राम सनेह निसोतें। को जग मंद मलिनमति मोतें।।
दोहा/सोरठा
सठ सेवक की प्रीति रुचि रखिहहिं राम कृपालु।
उपल किए जलजान जेहिं सचिव सुमति कपि भालु।।28(क)।।
हौहु कहावत सबु कहत राम सहत उपहास।
साहिब सीतानाथ सो सेवक तुलसीदास।।28(ख)।।
चौपाई
cahuom juga tīni kāla tihuom lōkā. bhaē nāma japi jīva bisōkā..
bēda purāna saṃta mata ēhū. sakala sukṛta phala rāma sanēhū..
dhyānu prathama juga makhabidhi dūjēṃ. dvāpara paritōṣata prabhu pūjēṃ..
kali kēvala mala mūla malīnā. pāpa payōnidhi jana mana mīnā..
nāma kāmataru kāla karālā. sumirata samana sakala jaga jālā..
rāma nāma kali abhimata dātā. hita paralōka lōka pitu mātā..
nahiṃ kali karama na bhagati bibēkū. rāma nāma avalaṃbana ēkū..
kālanēmi kali kapaṭa nidhānū. nāma sumati samaratha hanumānū..
दोहा/सोरठा
rāma nāma narakēsarī kanakakasipu kalikāla.
jāpaka jana prahalāda jimi pālihi dali surasāla..27..
चौपाई
bhāyaom kubhāyaom anakha ālasahūom. nāma japata maṃgala disi dasahūom..
sumiri sō nāma rāma guna gāthā. karauom nāi raghunāthahi māthā..
mōri sudhārihi sō saba bhāomtī. jāsu kṛpā nahiṃ kṛpāom aghātī..
rāma susvāmi kusēvaku mōsō. nija disi daikhi dayānidhi pōsō..
lōkahuom bēda susāhiba rītīṃ. binaya sunata pahicānata prītī..
ganī garība grāmanara nāgara. paṃḍita mūḍha malīna ujāgara..
sukabi kukabi nija mati anuhārī. nṛpahi sarāhata saba nara nārī..
sādhu sujāna susīla nṛpālā. īsa aṃsa bhava parama kṛpālā..
suni sanamānahiṃ sabahi subānī. bhaniti bhagati nati gati pahicānī..
yaha prākṛta mahipāla subhāū. jāna sirōmani kōsalarāū..
rījhata rāma sanēha nisōtēṃ. kō jaga maṃda malinamati mōtēṃ..
