चौपाई
निपटहिं द्विज करि जानहि मोही। मैं जस बिप्र सुनावउँ तोही।।
चाप स्त्रुवा सर आहुति जानू। कोप मोर अति घोर कृसानु।।
समिधि सेन चतुरंग सुहाई। महा महीप भए पसु आई।।
मै एहि परसु काटि बलि दीन्हे। समर जग्य जप कोटिन्ह कीन्हे।।
मोर प्रभाउ बिदित नहिं तोरें। बोलसि निदरि बिप्र के भोरें।।
भंजेउ चापु दापु बड़ बाढ़ा। अहमिति मनहुँ जीति जगु ठाढ़ा।।
राम कहा मुनि कहहु बिचारी। रिस अति बड़ि लघु चूक हमारी।।
छुअतहिं टूट पिनाक पुराना। मैं कहि हेतु करौं अभिमाना।।
दोहा/सोरठा
जौं हम निदरहिं बिप्र बदि सत्य सुनहु भृगुनाथ।
तौ अस को जग सुभटु जेहि भय बस नावहिं माथ।।283।।
चौपाई
देव दनुज भूपति भट नाना। समबल अधिक होउ बलवाना।।
जौं रन हमहि पचारै कोऊ। लरहिं सुखेन कालु किन होऊ।।
छत्रिय तनु धरि समर सकाना। कुल कलंकु तेहिं पावँर आना।।
कहउँ सुभाउ न कुलहि प्रसंसी। कालहु डरहिं न रन रघुबंसी।।
बिप्रबंस कै असि प्रभुताई। अभय होइ जो तुम्हहि डेराई।।
सुनु मृदु गूढ़ बचन रघुपति के। उघरे पटल परसुधर मति के।।
राम रमापति कर धनु लेहू। खैंचहु मिटै मोर संदेहू।।
देत चापु आपुहिं चलि गयऊ। परसुराम मन बिसमय भयऊ।।
दोहा/सोरठा
जाना राम प्रभाउ तब पुलक प्रफुल्लित गात।
जोरि पानि बोले बचन ह्दयँ न प्रेमु अमात।।284।।
चौपाई
nipaṭahiṃ dvija kari jānahi mōhī. maiṃ jasa bipra sunāvauom tōhī..
cāpa struvā sara āhuti jānū. kōpa mōra ati ghōra kṛsānu..
samidhi sēna caturaṃga suhāī. mahā mahīpa bhaē pasu āī..
mai ēhi parasu kāṭi bali dīnhē. samara jagya japa kōṭinha kīnhē..
mōra prabhāu bidita nahiṃ tōrēṃ. bōlasi nidari bipra kē bhōrēṃ..
bhaṃjēu cāpu dāpu baḍa bāḍhaā. ahamiti manahuom jīti jagu ṭhāḍhaā..
rāma kahā muni kahahu bicārī. risa ati baḍai laghu cūka hamārī..
chuatahiṃ ṭūṭa pināka purānā. maiṃ kahi hētu karauṃ abhimānā..
चौपाई
dēva danuja bhūpati bhaṭa nānā. samabala adhika hōu balavānā..
jauṃ rana hamahi pacārai kōū. larahiṃ sukhēna kālu kina hōū..
chatriya tanu dhari samara sakānā. kula kalaṃku tēhiṃ pāvaomra ānā..
kahauom subhāu na kulahi prasaṃsī. kālahu ḍarahiṃ na rana raghubaṃsī..
biprabaṃsa kai asi prabhutāī. abhaya hōi jō tumhahi ḍērāī..
sunu mṛdu gūḍha bacana raghupati kē. ugharē paṭala parasudhara mati kē..
rāma ramāpati kara dhanu lēhū. khaiṃcahu miṭai mōra saṃdēhū..
dēta cāpu āpuhiṃ cali gayaū. parasurāma mana bisamaya bhayaū..
