चौपाई
बंधु कहइ कटु संमत तोरें। तू छल बिनय करसि कर जोरें।।
करु परितोषु मोर संग्रामा। नाहिं त छाड़ कहाउब रामा।।
छलु तजि करहि समरु सिवद्रोही। बंधु सहित न त मारउँ तोही।।
भृगुपति बकहिं कुठार उठाएँ। मन मुसकाहिं रामु सिर नाएँ।।
गुनह लखन कर हम पर रोषू। कतहुँ सुधाइहु ते बड़ दोषू।।
टेढ़ जानि सब बंदइ काहू। बक्र चंद्रमहि ग्रसइ न राहू।।
राम कहेउ रिस तजिअ मुनीसा। कर कुठारु आगें यह सीसा।।
जेंहिं रिस जाइ करिअ सोइ स्वामी। मोहि जानि आपन अनुगामी।।
दोहा/सोरठा
प्रभुहि सेवकहि समरु कस तजहु बिप्रबर रोसु।
बेषु बिलोकें कहेसि कछु बालकहू नहिं दोसु।।281।।
चौपाई
देखि कुठार बान धनु धारी। भै लरिकहि रिस बीरु बिचारी।।
नामु जान पै तुम्हहि न चीन्हा। बंस सुभायँ उतरु तेंहिं दीन्हा।।
जौं तुम्ह औतेहु मुनि की नाईं। पद रज सिर सिसु धरत गोसाईं।।
छमहु चूक अनजानत केरी। चहिअ बिप्र उर कृपा घनेरी।।
हमहि तुम्हहि सरिबरि कसि नाथा।।कहहु न कहाँ चरन कहँ माथा।।
राम मात्र लघु नाम हमारा। परसु सहित बड़ नाम तोहारा।।
देव एकु गुनु धनुष हमारें। नव गुन परम पुनीत तुम्हारें।।
सब प्रकार हम तुम्ह सन हारे। छमहु बिप्र अपराध हमारे।।
दोहा/सोरठा
बार बार मुनि बिप्रबर कहा राम सन राम।
बोले भृगुपति सरुष हसि तहूँ बंधु सम बाम।।282।।
चौपाई
baṃdhu kahai kaṭu saṃmata tōrēṃ. tū chala binaya karasi kara jōrēṃ..
karu paritōṣu mōra saṃgrāmā. nāhiṃ ta chāḍa kahāuba rāmā..
chalu taji karahi samaru sivadrōhī. baṃdhu sahita na ta mārauom tōhī..
bhṛgupati bakahiṃ kuṭhāra uṭhāēom. mana musakāhiṃ rāmu sira nāēom..
gunaha lakhana kara hama para rōṣū. katahuom sudhāihu tē baḍa dōṣū..
ṭēḍha jāni saba baṃdai kāhū. bakra caṃdramahi grasai na rāhū..
rāma kahēu risa tajia munīsā. kara kuṭhāru āgēṃ yaha sīsā..
jēṃhiṃ risa jāi karia sōi svāmī. mōhi jāni āpana anugāmī..
चौपाई
dēkhi kuṭhāra bāna dhanu dhārī. bhai larikahi risa bīru bicārī..
nāmu jāna pai tumhahi na cīnhā. baṃsa subhāyaom utaru tēṃhiṃ dīnhā..
jauṃ tumha autēhu muni kī nāīṃ. pada raja sira sisu dharata gōsāīṃ..
chamahu cūka anajānata kērī. cahia bipra ura kṛpā ghanērī..
hamahi tumhahi saribari kasi nāthā..kahahu na kahāom carana kahaom māthā..
rāma mātra laghu nāma hamārā. parasu sahita baḍa nāma tōhārā..
dēva ēku gunu dhanuṣa hamārēṃ. nava guna parama punīta tumhārēṃ..
saba prakāra hama tumha sana hārē. chamahu bipra aparādha hamārē..
