चौपाई
दूत अवधपुर पठवहु जाई। आनहिं नृप दसरथहि बोलाई।।
मुदित राउ कहि भलेहिं कृपाला। पठए दूत बोलि तेहि काला।।
बहुरि महाजन सकल बोलाए। आइ सबन्हि सादर सिर नाए।।
हाट बाट मंदिर सुरबासा। नगरु सँवारहु चारिहुँ पासा।।
हरषि चले निज निज गृह आए। पुनि परिचारक बोलि पठाए।।
रचहु बिचित्र बितान बनाई। सिर धरि बचन चले सचु पाई।।
पठए बोलि गुनी तिन्ह नाना। जे बितान बिधि कुसल सुजाना।।
बिधिहि बंदि तिन्ह कीन्ह अरंभा। बिरचे कनक कदलि के खंभा।।
दोहा/सोरठा
हरित मनिन्ह के पत्र फल पदुमराग के फूल।
रचना देखि बिचित्र अति मनु बिरंचि कर भूल।।287।।
चौपाई
बेनि हरित मनिमय सब कीन्हे। सरल सपरब परहिं नहिं चीन्हे।।
कनक कलित अहिबेल बनाई। लखि नहि परइ सपरन सुहाई।।
तेहि के रचि पचि बंध बनाए। बिच बिच मुकता दाम सुहाए।।
मानिक मरकत कुलिस पिरोजा। चीरि कोरि पचि रचे सरोजा।।
किए भृंग बहुरंग बिहंगा। गुंजहिं कूजहिं पवन प्रसंगा।।
सुर प्रतिमा खंभन गढ़ी काढ़ी। मंगल द्रब्य लिएँ सब ठाढ़ी।।
चौंकें भाँति अनेक पुराईं। सिंधुर मनिमय सहज सुहाई।।
दोहा/सोरठा
सौरभ पल्लव सुभग सुठि किए नीलमनि कोरि।।
हेम बौर मरकत घवरि लसत पाटमय डोरि।।288।।
चौपाई
dūta avadhapura paṭhavahu jāī. ānahiṃ nṛpa dasarathahi bōlāī..
mudita rāu kahi bhalēhiṃ kṛpālā. paṭhaē dūta bōli tēhi kālā..
bahuri mahājana sakala bōlāē. āi sabanhi sādara sira nāē..
hāṭa bāṭa maṃdira surabāsā. nagaru saomvārahu cārihuom pāsā..
haraṣi calē nija nija gṛha āē. puni paricāraka bōli paṭhāē..
racahu bicitra bitāna banāī. sira dhari bacana calē sacu pāī..
paṭhaē bōli gunī tinha nānā. jē bitāna bidhi kusala sujānā..
bidhihi baṃdi tinha kīnha araṃbhā. biracē kanaka kadali kē khaṃbhā..
चौपाई
bēni harita manimaya saba kīnhē. sarala saparaba parahiṃ nahiṃ cīnhē..
kanaka kalita ahibēla banāī. lakhi nahi parai saparana suhāī..
tēhi kē raci paci baṃdha banāē. bica bica mukatā dāma suhāē..
mānika marakata kulisa pirōjā. cīri kōri paci racē sarōjā..
kiē bhṛṃga bahuraṃga bihaṃgā. guṃjahiṃ kūjahiṃ pavana prasaṃgā..
sura pratimā khaṃbhana gaḍhaī kāḍhaī. maṃgala drabya liēom saba ṭhāḍhaī..
cauṃkēṃ bhāomti anēka purāīṃ. siṃdhura manimaya sahaja suhāī..
