चौपाई
सुनि पाती पुलके दोउ भ्राता। अधिक सनेहु समात न गाता।।
प्रीति पुनीत भरत कै देखी। सकल सभाँ सुखु लहेउ बिसेषी।।
तब नृप दूत निकट बैठारे। मधुर मनोहर बचन उचारे।।
भैया कहहु कुसल दोउ बारे। तुम्ह नीकें निज नयन निहारे।।
स्यामल गौर धरें धनु भाथा। बय किसोर कौसिक मुनि साथा।।
पहिचानहु तुम्ह कहहु सुभाऊ। प्रेम बिबस पुनि पुनि कह राऊ।।
जा दिन तें मुनि गए लवाई। तब तें आजु साँचि सुधि पाई।।
कहहु बिदेह कवन बिधि जाने। सुनि प्रिय बचन दूत मुसकाने।।
दोहा/सोरठा
सुनहु महीपति मुकुट मनि तुम्ह सम धन्य न कोउ।
रामु लखनु जिन्ह के तनय बिस्व बिभूषन दोउ।।291।।
चौपाई
पूछन जोगु न तनय तुम्हारे। पुरुषसिंघ तिहु पुर उजिआरे।।
जिन्ह के जस प्रताप कें आगे। ससि मलीन रबि सीतल लागे।।
तिन्ह कहँ कहिअ नाथ किमि चीन्हे। देखिअ रबि कि दीप कर लीन्हे।।
सीय स्वयंबर भूप अनेका। समिटे सुभट एक तें एका।।
संभु सरासनु काहुँ न टारा। हारे सकल बीर बरिआरा।।
तीनि लोक महँ जे भटमानी। सभ कै सकति संभु धनु भानी।।
सकइ उठाइ सरासुर मेरू। सोउ हियँ हारि गयउ करि फेरू।।
जेहि कौतुक सिवसैलु उठावा। सोउ तेहि सभाँ पराभउ पावा।।
दोहा/सोरठा
तहाँ राम रघुबंस मनि सुनिअ महा महिपाल।
भंजेउ चाप प्रयास बिनु जिमि गज पंकज नाल।।292।।
चौपाई
suni pātī pulakē dōu bhrātā. adhika sanēhu samāta na gātā..
prīti punīta bharata kai dēkhī. sakala sabhāom sukhu lahēu bisēṣī..
taba nṛpa dūta nikaṭa baiṭhārē. madhura manōhara bacana ucārē..
bhaiyā kahahu kusala dōu bārē. tumha nīkēṃ nija nayana nihārē..
syāmala gaura dharēṃ dhanu bhāthā. baya kisōra kausika muni sāthā..
pahicānahu tumha kahahu subhāū. prēma bibasa puni puni kaha rāū..
jā dina tēṃ muni gaē lavāī. taba tēṃ āju sāomci sudhi pāī..
kahahu bidēha kavana bidhi jānē. suni priya bacana dūta musakānē..
चौपाई
pūchana jōgu na tanaya tumhārē. puruṣasiṃgha tihu pura ujiārē..
jinha kē jasa pratāpa kēṃ āgē. sasi malīna rabi sītala lāgē..
tinha kahaom kahia nātha kimi cīnhē. dēkhia rabi ki dīpa kara līnhē..
sīya svayaṃbara bhūpa anēkā. samiṭē subhaṭa ēka tēṃ ēkā..
saṃbhu sarāsanu kāhuom na ṭārā. hārē sakala bīra bariārā..
tīni lōka mahaom jē bhaṭamānī. sabha kai sakati saṃbhu dhanu bhānī..
sakai uṭhāi sarāsura mērū. sōu hiyaom hāri gayau kari phērū..
jēhi kautuka sivasailu uṭhāvā. sōu tēhi sabhāom parābhau pāvā..
