चौपाई
राजा सबु रनिवास बोलाई। जनक पत्रिका बाचि सुनाई।।
सुनि संदेसु सकल हरषानीं। अपर कथा सब भूप बखानीं।।
प्रेम प्रफुल्लित राजहिं रानी। मनहुँ सिखिनि सुनि बारिद बनी।।
मुदित असीस देहिं गुरु नारीं। अति आनंद मगन महतारीं।।
लेहिं परस्पर अति प्रिय पाती। हृदयँ लगाइ जुड़ावहिं छाती।।
राम लखन कै कीरति करनी। बारहिं बार भूपबर बरनी।।
मुनि प्रसादु कहि द्वार सिधाए। रानिन्ह तब महिदेव बोलाए।।
दिए दान आनंद समेता। चले बिप्रबर आसिष देता।।
दोहा/सोरठा
जाचक लिए हँकारि दीन्हि निछावरि कोटि बिधि।
चिरु जीवहुँ सुत चारि चक्रबर्ति दसरत्थ के।।295।।
चौपाई
कहत चले पहिरें पट नाना। हरषि हने गहगहे निसाना।।
समाचार सब लोगन्ह पाए। लागे घर घर होने बधाए।।
भुवन चारि दस भरा उछाहू। जनकसुता रघुबीर बिआहू।।
सुनि सुभ कथा लोग अनुरागे। मग गृह गलीं सँवारन लागे।।
जद्यपि अवध सदैव सुहावनि। राम पुरी मंगलमय पावनि।।
तदपि प्रीति कै प्रीति सुहाई। मंगल रचना रची बनाई।।
ध्वज पताक पट चामर चारु। छावा परम बिचित्र बजारू।।
कनक कलस तोरन मनि जाला। हरद दूब दधि अच्छत माला।।
दोहा/सोरठा
मंगलमय निज निज भवन लोगन्ह रचे बनाइ।
बीथीं सीचीं चतुरसम चौकें चारु पुराइ।।296।।
चौपाई
rājā sabu ranivāsa bōlāī. janaka patrikā bāci sunāī..
suni saṃdēsu sakala haraṣānīṃ. apara kathā saba bhūpa bakhānīṃ..
prēma praphullita rājahiṃ rānī. manahuom sikhini suni bārida banī..
mudita asīsa dēhiṃ guru nārīṃ. ati ānaṃda magana mahatārīṃ..
lēhiṃ paraspara ati priya pātī. hṛdayaom lagāi juḍaāvahiṃ chātī..
rāma lakhana kai kīrati karanī. bārahiṃ bāra bhūpabara baranī..
muni prasādu kahi dvāra sidhāē. rāninha taba mahidēva bōlāē..
diē dāna ānaṃda samētā. calē biprabara āsiṣa dētā..
चौपाई
kahata calē pahirēṃ paṭa nānā. haraṣi hanē gahagahē nisānā..
samācāra saba lōganha pāē. lāgē ghara ghara hōnē badhāē..
bhuvana cāri dasa bharā uchāhū. janakasutā raghubīra biāhū..
suni subha kathā lōga anurāgē. maga gṛha galīṃ saomvārana lāgē..
jadyapi avadha sadaiva suhāvani. rāma purī maṃgalamaya pāvani..
tadapi prīti kai prīti suhāī. maṃgala racanā racī banāī..
dhvaja patāka paṭa cāmara cāru. chāvā parama bicitra bajārū..
kanaka kalasa tōrana mani jālā. harada dūba dadhi acchata mālā..
