चौपाई
जहँ तहँ जूथ जूथ मिलि भामिनि। सजि नव सप्त सकल दुति दामिनि।।
बिधुबदनीं मृग सावक लोचनि। निज सरुप रति मानु बिमोचनि।।
गावहिं मंगल मंजुल बानीं। सुनिकल रव कलकंठि लजानीं।।
भूप भवन किमि जाइ बखाना। बिस्व बिमोहन रचेउ बिताना।।
मंगल द्रब्य मनोहर नाना। राजत बाजत बिपुल निसाना।।
कतहुँ बिरिद बंदी उच्चरहीं। कतहुँ बेद धुनि भूसुर करहीं।।
गावहिं सुंदरि मंगल गीता। लै लै नामु रामु अरु सीता।।
बहुत उछाहु भवनु अति थोरा। मानहुँ उमगि चला चहु ओरा।।
दोहा/सोरठा
सोभा दसरथ भवन कइ को कबि बरनै पार।
जहाँ सकल सुर सीस मनि राम लीन्ह अवतार।।297।।
चौपाई
भूप भरत पुनि लिए बोलाई। हय गय स्यंदन साजहु जाई।।
चलहु बेगि रघुबीर बराता। सुनत पुलक पूरे दोउ भ्राता।।
भरत सकल साहनी बोलाए। आयसु दीन्ह मुदित उठि धाए।।
रचि रुचि जीन तुरग तिन्ह साजे। बरन बरन बर बाजि बिराजे।।
सुभग सकल सुठि चंचल करनी। अय इव जरत धरत पग धरनी।।
नाना जाति न जाहिं बखाने। निदरि पवनु जनु चहत उड़ाने।।
तिन्ह सब छयल भए असवारा। भरत सरिस बय राजकुमारा।।
सब सुंदर सब भूषनधारी। कर सर चाप तून कटि भारी।।
दोहा/सोरठा
छरे छबीले छयल सब सूर सुजान नबीन।
जुग पदचर असवार प्रति जे असिकला प्रबीन।।298।।
चौपाई
jahaom tahaom jūtha jūtha mili bhāmini. saji nava sapta sakala duti dāmini..
bidhubadanīṃ mṛga sāvaka lōcani. nija sarupa rati mānu bimōcani..
gāvahiṃ maṃgala maṃjula bānīṃ. sunikala rava kalakaṃṭhi lajānīṃ..
bhūpa bhavana kimi jāi bakhānā. bisva bimōhana racēu bitānā..
maṃgala drabya manōhara nānā. rājata bājata bipula nisānā..
katahuom birida baṃdī uccarahīṃ. katahuom bēda dhuni bhūsura karahīṃ..
gāvahiṃ suṃdari maṃgala gītā. lai lai nāmu rāmu aru sītā..
bahuta uchāhu bhavanu ati thōrā. mānahuom umagi calā cahu ōrā..
चौपाई
bhūpa bharata puni liē bōlāī. haya gaya syaṃdana sājahu jāī..
calahu bēgi raghubīra barātā. sunata pulaka pūrē dōu bhrātā..
bharata sakala sāhanī bōlāē. āyasu dīnha mudita uṭhi dhāē..
raci ruci jīna turaga tinha sājē. barana barana bara bāji birājē..
subhaga sakala suṭhi caṃcala karanī. aya iva jarata dharata paga dharanī..
nānā jāti na jāhiṃ bakhānē. nidari pavanu janu cahata uḍaānē..
tinha saba chayala bhaē asavārā. bharata sarisa baya rājakumārā..
saba suṃdara saba bhūṣanadhārī. kara sara cāpa tūna kaṭi bhārī..
