चौपाई
गरजहिं गज घंटा धुनि घोरा। रथ रव बाजि हिंस चहु ओरा।।
निदरि घनहि घुर्म्मरहिं निसाना। निज पराइ कछु सुनिअ न काना।।
महा भीर भूपति के द्वारें। रज होइ जाइ पषान पबारें।।
चढ़ी अटारिन्ह देखहिं नारीं। लिंएँ आरती मंगल थारी।।
गावहिं गीत मनोहर नाना। अति आनंदु न जाइ बखाना।।
तब सुमंत्र दुइ स्पंदन साजी। जोते रबि हय निंदक बाजी।।
दोउ रथ रुचिर भूप पहिं आने। नहिं सारद पहिं जाहिं बखाने।।
राज समाजु एक रथ साजा। दूसर तेज पुंज अति भ्राजा।।
दोहा/सोरठा
तेहिं रथ रुचिर बसिष्ठ कहुँ हरषि चढ़ाइ नरेसु।
आपु चढ़ेउ स्पंदन सुमिरि हर गुर गौरि गनेसु।।301।।
चौपाई
सहित बसिष्ठ सोह नृप कैसें। सुर गुर संग पुरंदर जैसें।।
करि कुल रीति बेद बिधि राऊ। देखि सबहि सब भाँति बनाऊ।।
सुमिरि रामु गुर आयसु पाई। चले महीपति संख बजाई।।
हरषे बिबुध बिलोकि बराता। बरषहिं सुमन सुमंगल दाता।।
भयउ कोलाहल हय गय गाजे। ब्योम बरात बाजने बाजे।।
सुर नर नारि सुमंगल गाई। सरस राग बाजहिं सहनाई।।
घंट घंटि धुनि बरनि न जाहीं। सरव करहिं पाइक फहराहीं।।
करहिं बिदूषक कौतुक नाना। हास कुसल कल गान सुजाना ।
दोहा/सोरठा
तुरग नचावहिं कुँअर बर अकनि मृदंग निसान।।
नागर नट चितवहिं चकित डगहिं न ताल बँधान।।302।।
चौपाई
garajahiṃ gaja ghaṃṭā dhuni ghōrā. ratha rava bāji hiṃsa cahu ōrā..
nidari ghanahi ghurmmarahiṃ nisānā. nija parāi kachu sunia na kānā..
mahā bhīra bhūpati kē dvārēṃ. raja hōi jāi paṣāna pabārēṃ..
caḍhaī aṭārinha dēkhahiṃ nārīṃ. liṃēom āratī maṃgala thārī..
gāvahiṃ gīta manōhara nānā. ati ānaṃdu na jāi bakhānā..
taba sumaṃtra dui spaṃdana sājī. jōtē rabi haya niṃdaka bājī..
dōu ratha rucira bhūpa pahiṃ ānē. nahiṃ sārada pahiṃ jāhiṃ bakhānē..
rāja samāju ēka ratha sājā. dūsara tēja puṃja ati bhrājā..
चौपाई
sahita basiṣṭha sōha nṛpa kaisēṃ. sura gura saṃga puraṃdara jaisēṃ..
kari kula rīti bēda bidhi rāū. dēkhi sabahi saba bhāomti banāū..
sumiri rāmu gura āyasu pāī. calē mahīpati saṃkha bajāī..
haraṣē bibudha bilōki barātā. baraṣahiṃ sumana sumaṃgala dātā..
bhayau kōlāhala haya gaya gājē. byōma barāta bājanē bājē..
sura nara nāri sumaṃgala gāī. sarasa rāga bājahiṃ sahanāī..
ghaṃṭa ghaṃṭi dhuni barani na jāhīṃ. sarava karahiṃ pāika phaharāhīṃ..
karahiṃ bidūṣaka kautuka nānā. hāsa kusala kala gāna sujānā .
