चौपाई
बनइ न बरनत बनी बराता। होहिं सगुन सुंदर सुभदाता।।
चारा चाषु बाम दिसि लेई। मनहुँ सकल मंगल कहि देई।।
दाहिन काग सुखेत सुहावा। नकुल दरसु सब काहूँ पावा।।
सानुकूल बह त्रिबिध बयारी। सघट सवाल आव बर नारी।।
लोवा फिरि फिरि दरसु देखावा। सुरभी सनमुख सिसुहि पिआवा।।
मृगमाला फिरि दाहिनि आई। मंगल गन जनु दीन्हि देखाई।।
छेमकरी कह छेम बिसेषी। स्यामा बाम सुतरु पर देखी।।
सनमुख आयउ दधि अरु मीना। कर पुस्तक दुइ बिप्र प्रबीना।।
दोहा/सोरठा
मंगलमय कल्यानमय अभिमत फल दातार।
जनु सब साचे होन हित भए सगुन एक बार।।303।।
चौपाई
मंगल सगुन सुगम सब ताकें। सगुन ब्रह्म सुंदर सुत जाकें।।
राम सरिस बरु दुलहिनि सीता। समधी दसरथु जनकु पुनीता।।
सुनि अस ब्याहु सगुन सब नाचे। अब कीन्हे बिरंचि हम साँचे।।
एहि बिधि कीन्ह बरात पयाना। हय गय गाजहिं हने निसाना।।
आवत जानि भानुकुल केतू। सरितन्हि जनक बँधाए सेतू।।
बीच बीच बर बास बनाए। सुरपुर सरिस संपदा छाए।।
असन सयन बर बसन सुहाए। पावहिं सब निज निज मन भाए।।
नित नूतन सुख लखि अनुकूले। सकल बरातिन्ह मंदिर भूले।।
दोहा/सोरठा
आवत जानि बरात बर सुनि गहगहे निसान।
सजि गज रथ पदचर तुरग लेन चले अगवान।।304।।
चौपाई
banai na baranata banī barātā. hōhiṃ saguna suṃdara subhadātā..
cārā cāṣu bāma disi lēī. manahuom sakala maṃgala kahi dēī..
dāhina kāga sukhēta suhāvā. nakula darasu saba kāhūom pāvā..
sānukūla baha tribidha bayārī. saghaṭa savāla āva bara nārī..
lōvā phiri phiri darasu dēkhāvā. surabhī sanamukha sisuhi piāvā..
mṛgamālā phiri dāhini āī. maṃgala gana janu dīnhi dēkhāī..
chēmakarī kaha chēma bisēṣī. syāmā bāma sutaru para dēkhī..
sanamukha āyau dadhi aru mīnā. kara pustaka dui bipra prabīnā..
चौपाई
maṃgala saguna sugama saba tākēṃ. saguna brahma suṃdara suta jākēṃ..
rāma sarisa baru dulahini sītā. samadhī dasarathu janaku punītā..
suni asa byāhu saguna saba nācē. aba kīnhē biraṃci hama sāomcē..
ēhi bidhi kīnha barāta payānā. haya gaya gājahiṃ hanē nisānā..
āvata jāni bhānukula kētū. saritanhi janaka baomdhāē sētū..
bīca bīca bara bāsa banāē. surapura sarisa saṃpadā chāē..
asana sayana bara basana suhāē. pāvahiṃ saba nija nija mana bhāē..
nita nūtana sukha lakhi anukūlē. sakala barātinha maṃdira bhūlē..
