चौपाई
तदपि कही गुर बारहिं बारा। समुझि परी कछु मति अनुसारा।।
भाषाबद्ध करबि मैं सोई। मोरें मन प्रबोध जेहिं होई।।
जस कछु बुधि बिबेक बल मेरें। तस कहिहउँ हियँ हरि के प्रेरें।।
निज संदेह मोह भ्रम हरनी। करउँ कथा भव सरिता तरनी।।
बुध बिश्राम सकल जन रंजनि। रामकथा कलि कलुष बिभंजनि।।
रामकथा कलि पंनग भरनी। पुनि बिबेक पावक कहुँ अरनी।।
रामकथा कलि कामद गाई। सुजन सजीवनि मूरि सुहाई।।
सोइ बसुधातल सुधा तरंगिनि। भय भंजनि भ्रम भेक भुअंगिनि।।
असुर सेन सम नरक निकंदिनि। साधु बिबुध कुल हित गिरिनंदिनि।।
संत समाज पयोधि रमा सी। बिस्व भार भर अचल छमा सी।।
जम गन मुहँ मसि जग जमुना सी। जीवन मुकुति हेतु जनु कासी।।
रामहि प्रिय पावनि तुलसी सी। तुलसिदास हित हियँ हुलसी सी।।
सिवप्रय मेकल सैल सुता सी। सकल सिद्धि सुख संपति रासी।।
सदगुन सुरगन अंब अदिति सी। रघुबर भगति प्रेम परमिति सी।।
दोहा/सोरठा
राम कथा मंदाकिनी चित्रकूट चित चारु।
तुलसी सुभग सनेह बन सिय रघुबीर बिहारु।।31।।
चौपाई
राम चरित चिंतामनि चारू। संत सुमति तिय सुभग सिंगारू।।
जग मंगल गुन ग्राम राम के। दानि मुकुति धन धरम धाम के।।
सदगुर ग्यान बिराग जोग के। बिबुध बैद भव भीम रोग के।।
जननि जनक सिय राम प्रेम के। बीज सकल ब्रत धरम नेम के।।
समन पाप संताप सोक के। प्रिय पालक परलोक लोक के।।
सचिव सुभट भूपति बिचार के। कुंभज लोभ उदधि अपार के।।
काम कोह कलिमल करिगन के। केहरि सावक जन मन बन के।।
अतिथि पूज्य प्रियतम पुरारि के। कामद घन दारिद दवारि के।।
मंत्र महामनि बिषय ब्याल के। मेटत कठिन कुअंक भाल के।।
हरन मोह तम दिनकर कर से। सेवक सालि पाल जलधर से।।
अभिमत दानि देवतरु बर से। सेवत सुलभ सुखद हरि हर से।।
सुकबि सरद नभ मन उडगन से। रामभगत जन जीवन धन से।।
सकल सुकृत फल भूरि भोग से। जग हित निरुपधि साधु लोग से।।
सेवक मन मानस मराल से। पावक गंग तंरग माल से।।
दोहा/सोरठा
कुपथ कुतरक कुचालि कलि कपट दंभ पाषंड।
दहन राम गुन ग्राम जिमि इंधन अनल प्रचंड।।32(क)।।
रामचरित राकेस कर सरिस सुखद सब काहु।
सज्जन कुमुद चकोर चित हित बिसेषि बड़ लाहु।।32(ख)।।
चौपाई
tadapi kahī gura bārahiṃ bārā. samujhi parī kachu mati anusārā..
bhāṣābaddha karabi maiṃ sōī. mōrēṃ mana prabōdha jēhiṃ hōī..
jasa kachu budhi bibēka bala mērēṃ. tasa kahihauom hiyaom hari kē prērēṃ..
nija saṃdēha mōha bhrama haranī. karauom kathā bhava saritā taranī..
budha biśrāma sakala jana raṃjani. rāmakathā kali kaluṣa bibhaṃjani..
rāmakathā kali paṃnaga bharanī. puni bibēka pāvaka kahuom aranī..
rāmakathā kali kāmada gāī. sujana sajīvani mūri suhāī..
sōi basudhātala sudhā taraṃgini. bhaya bhaṃjani bhrama bhēka bhuaṃgini..
asura sēna sama naraka nikaṃdini. sādhu bibudha kula hita girinaṃdini..
saṃta samāja payōdhi ramā sī. bisva bhāra bhara acala chamā sī..
jama gana muhaom masi jaga jamunā sī. jīvana mukuti hētu janu kāsī..
rāmahi priya pāvani tulasī sī. tulasidāsa hita hiyaom hulasī sī..
sivapraya mēkala saila sutā sī. sakala siddhi sukha saṃpati rāsī..
sadaguna suragana aṃba aditi sī. raghubara bhagati prēma paramiti sī..
दोहा/सोरठा
rāma kathā maṃdākinī citrakūṭa cita cāru.
tulasī subhaga sanēha bana siya raghubīra bihāru..31..
चौपाई
rāma carita ciṃtāmani cārū. saṃta sumati tiya subhaga siṃgārū..
jaga maṃgala guna grāma rāma kē. dāni mukuti dhana dharama dhāma kē..
sadagura gyāna birāga jōga kē. bibudha baida bhava bhīma rōga kē..
janani janaka siya rāma prēma kē. bīja sakala brata dharama nēma kē..
samana pāpa saṃtāpa sōka kē. priya pālaka paralōka lōka kē..
saciva subhaṭa bhūpati bicāra kē. kuṃbhaja lōbha udadhi apāra kē..
kāma kōha kalimala karigana kē. kēhari sāvaka jana mana bana kē..
atithi pūjya priyatama purāri kē. kāmada ghana dārida davāri kē..
maṃtra mahāmani biṣaya byāla kē. mēṭata kaṭhina kuaṃka bhāla kē..
harana mōha tama dinakara kara sē. sēvaka sāli pāla jaladhara sē..
abhimata dāni dēvataru bara sē. sēvata sulabha sukhada hari hara sē..
sukabi sarada nabha mana uḍagana sē. rāmabhagata jana jīvana dhana sē..
sakala sukṛta phala bhūri bhōga sē. jaga hita nirupadhi sādhu lōga sē..
sēvaka mana mānasa marāla sē. pāvaka gaṃga taṃraga māla sē..
