चौपाई
दंड प्रनाम सबहि नृप कीन्हे। पूजि सप्रेम बरासन दीन्हे।।
चारि लच्छ बर धेनु मगाई। कामसुरभि सम सील सुहाई।।
सब बिधि सकल अलंकृत कीन्हीं। मुदित महिप महिदेवन्ह दीन्हीं।।
करत बिनय बहु बिधि नरनाहू। लहेउँ आजु जग जीवन लाहू।।
पाइ असीस महीसु अनंदा। लिए बोलि पुनि जाचक बृंदा।।
कनक बसन मनि हय गय स्यंदन। दिए बूझि रुचि रबिकुलनंदन।।
चले पढ़त गावत गुन गाथा। जय जय जय दिनकर कुल नाथा।।
एहि बिधि राम बिआह उछाहू। सकइ न बरनि सहस मुख जाहू।।
दोहा/सोरठा
बार बार कौसिक चरन सीसु नाइ कह राउ।
यह सबु सुखु मुनिराज तव कृपा कटाच्छ पसाउ।।331।।
चौपाई
जनक सनेहु सीलु करतूती। नृपु सब भाँति सराह बिभूती।।
दिन उठि बिदा अवधपति मागा। राखहिं जनकु सहित अनुरागा।।
नित नूतन आदरु अधिकाई। दिन प्रति सहस भाँति पहुनाई।।
नित नव नगर अनंद उछाहू। दसरथ गवनु सोहाइ न काहू।।
बहुत दिवस बीते एहि भाँती। जनु सनेह रजु बँधे बराती।।
कौसिक सतानंद तब जाई। कहा बिदेह नृपहि समुझाई।।
अब दसरथ कहँ आयसु देहू। जद्यपि छाड़ि न सकहु सनेहू।।
भलेहिं नाथ कहि सचिव बोलाए। कहि जय जीव सीस तिन्ह नाए।।
दोहा/सोरठा
अवधनाथु चाहत चलन भीतर करहु जनाउ।
भए प्रेमबस सचिव सुनि बिप्र सभासद राउ।।332।।
चौपाई
daṃḍa pranāma sabahi nṛpa kīnhē. pūji saprēma barāsana dīnhē..
cāri laccha bara dhēnu magāī. kāmasurabhi sama sīla suhāī..
saba bidhi sakala alaṃkṛta kīnhīṃ. mudita mahipa mahidēvanha dīnhīṃ..
karata binaya bahu bidhi naranāhū. lahēuom āju jaga jīvana lāhū..
pāi asīsa mahīsu anaṃdā. liē bōli puni jācaka bṛṃdā..
kanaka basana mani haya gaya syaṃdana. diē būjhi ruci rabikulanaṃdana..
calē paḍhata gāvata guna gāthā. jaya jaya jaya dinakara kula nāthā..
ēhi bidhi rāma biāha uchāhū. sakai na barani sahasa mukha jāhū..
चौपाई
janaka sanēhu sīlu karatūtī. nṛpu saba bhāomti sarāha bibhūtī..
dina uṭhi bidā avadhapati māgā. rākhahiṃ janaku sahita anurāgā..
nita nūtana ādaru adhikāī. dina prati sahasa bhāomti pahunāī..
nita nava nagara anaṃda uchāhū. dasaratha gavanu sōhāi na kāhū..
bahuta divasa bītē ēhi bhāomtī. janu sanēha raju baomdhē barātī..
kausika satānaṃda taba jāī. kahā bidēha nṛpahi samujhāī..
aba dasaratha kahaom āyasu dēhū. jadyapi chāḍai na sakahu sanēhū..
bhalēhiṃ nātha kahi saciva bōlāē. kahi jaya jīva sīsa tinha nāē..
