चौपाई
पंच कवल करि जेवन लअगे। गारि गान सुनि अति अनुरागे।।
भाँति अनेक परे पकवाने। सुधा सरिस नहिं जाहिं बखाने।।
परुसन लगे सुआर सुजाना। बिंजन बिबिध नाम को जाना।।
चारि भाँति भोजन बिधि गाई। एक एक बिधि बरनि न जाई।।
छरस रुचिर बिंजन बहु जाती। एक एक रस अगनित भाँती।।
जेवँत देहिं मधुर धुनि गारी। लै लै नाम पुरुष अरु नारी।।
समय सुहावनि गारि बिराजा। हँसत राउ सुनि सहित समाजा।।
एहि बिधि सबहीं भौजनु कीन्हा। आदर सहित आचमनु दीन्हा।।
दोहा/सोरठा
देइ पान पूजे जनक दसरथु सहित समाज।
जनवासेहि गवने मुदित सकल भूप सिरताज।।329।।
चौपाई
नित नूतन मंगल पुर माहीं। निमिष सरिस दिन जामिनि जाहीं।।
बड़े भोर भूपतिमनि जागे। जाचक गुन गन गावन लागे।।
देखि कुअँर बर बधुन्ह समेता। किमि कहि जात मोदु मन जेता।।
प्रातक्रिया करि गे गुरु पाहीं। महाप्रमोदु प्रेमु मन माहीं।।
करि प्रनाम पूजा कर जोरी। बोले गिरा अमिअँ जनु बोरी।।
तुम्हरी कृपाँ सुनहु मुनिराजा। भयउँ आजु मैं पूरनकाजा।।
अब सब बिप्र बोलाइ गोसाईं। देहु धेनु सब भाँति बनाई।।
सुनि गुर करि महिपाल बड़ाई। पुनि पठए मुनि बृंद बोलाई।।
दोहा/सोरठा
बामदेउ अरु देवरिषि बालमीकि जाबालि।
आए मुनिबर निकर तब कौसिकादि तपसालि।।330।।
चौपाई
paṃca kavala kari jēvana laagē. gāri gāna suni ati anurāgē..
bhāomti anēka parē pakavānē. sudhā sarisa nahiṃ jāhiṃ bakhānē..
parusana lagē suāra sujānā. biṃjana bibidha nāma kō jānā..
cāri bhāomti bhōjana bidhi gāī. ēka ēka bidhi barani na jāī..
charasa rucira biṃjana bahu jātī. ēka ēka rasa aganita bhāomtī..
jēvaomta dēhiṃ madhura dhuni gārī. lai lai nāma puruṣa aru nārī..
samaya suhāvani gāri birājā. haomsata rāu suni sahita samājā..
ēhi bidhi sabahīṃ bhaujanu kīnhā. ādara sahita ācamanu dīnhā..
चौपाई
nita nūtana maṃgala pura māhīṃ. nimiṣa sarisa dina jāmini jāhīṃ..
baḍaē bhōra bhūpatimani jāgē. jācaka guna gana gāvana lāgē..
dēkhi kuaomra bara badhunha samētā. kimi kahi jāta mōdu mana jētā..
prātakriyā kari gē guru pāhīṃ. mahāpramōdu prēmu mana māhīṃ..
kari pranāma pūjā kara jōrī. bōlē girā amiaom janu bōrī..
tumharī kṛpāom sunahu munirājā. bhayauom āju maiṃ pūranakājā..
aba saba bipra bōlāi gōsāīṃ. dēhu dhēnu saba bhāomti banāī..
suni gura kari mahipāla baḍaāī. puni paṭhaē muni bṛṃda bōlāī..
