चौपाई
चारिअ भाइ सुभायँ सुहाए। नगर नारि नर देखन धाए।।
कोउ कह चलन चहत हहिं आजू। कीन्ह बिदेह बिदा कर साजू।।
लेहु नयन भरि रूप निहारी। प्रिय पाहुने भूप सुत चारी।।
को जानै केहि सुकृत सयानी। नयन अतिथि कीन्हे बिधि आनी।।
मरनसीलु जिमि पाव पिऊषा। सुरतरु लहै जनम कर भूखा।।
पाव नारकी हरिपदु जैसें। इन्ह कर दरसनु हम कहँ तैसे।।
निरखि राम सोभा उर धरहू। निज मन फनि मूरति मनि करहू।।
एहि बिधि सबहि नयन फलु देता। गए कुअँर सब राज निकेता।।
दोहा/सोरठा
रूप सिंधु सब बंधु लखि हरषि उठा रनिवासु।
करहि निछावरि आरती महा मुदित मन सासु।।335।।
चौपाई
देखि राम छबि अति अनुरागीं। प्रेमबिबस पुनि पुनि पद लागीं।।
रही न लाज प्रीति उर छाई। सहज सनेहु बरनि किमि जाई।।
भाइन्ह सहित उबटि अन्हवाए। छरस असन अति हेतु जेवाँए।।
बोले रामु सुअवसरु जानी। सील सनेह सकुचमय बानी।।
राउ अवधपुर चहत सिधाए। बिदा होन हम इहाँ पठाए।।
मातु मुदित मन आयसु देहू। बालक जानि करब नित नेहू।।
सुनत बचन बिलखेउ रनिवासू। बोलि न सकहिं प्रेमबस सासू।।
हृदयँ लगाइ कुअँरि सब लीन्ही। पतिन्ह सौंपि बिनती अति कीन्ही।।
चौपाई
cāria bhāi subhāyaom suhāē. nagara nāri nara dēkhana dhāē..
kōu kaha calana cahata hahiṃ ājū. kīnha bidēha bidā kara sājū..
lēhu nayana bhari rūpa nihārī. priya pāhunē bhūpa suta cārī..
kō jānai kēhi sukṛta sayānī. nayana atithi kīnhē bidhi ānī..
maranasīlu jimi pāva piūṣā. surataru lahai janama kara bhūkhā..
pāva nārakī haripadu jaisēṃ. inha kara darasanu hama kahaom taisē..
nirakhi rāma sōbhā ura dharahū. nija mana phani mūrati mani karahū..
ēhi bidhi sabahi nayana phalu dētā. gaē kuaomra saba rāja nikētā..
चौपाई
dēkhi rāma chabi ati anurāgīṃ. prēmabibasa puni puni pada lāgīṃ..
rahī na lāja prīti ura chāī. sahaja sanēhu barani kimi jāī..
bhāinha sahita ubaṭi anhavāē. charasa asana ati hētu jēvāomē..
bōlē rāmu suavasaru jānī. sīla sanēha sakucamaya bānī..
rāu avadhapura cahata sidhāē. bidā hōna hama ihāom paṭhāē..
mātu mudita mana āyasu dēhū. bālaka jāni karaba nita nēhū..
sunata bacana bilakhēu ranivāsū. bōli na sakahiṃ prēmabasa sāsū..
hṛdayaom lagāi kuaomri saba līnhī. patinha sauṃpi binatī ati kīnhī..
