चौपाई
अस कहि रही चरन गहि रानी। प्रेम पंक जनु गिरा समानी।।
सुनि सनेहसानी बर बानी। बहुबिधि राम सासु सनमानी।।
राम बिदा मागत कर जोरी। कीन्ह प्रनामु बहोरि बहोरी।।
पाइ असीस बहुरि सिरु नाई। भाइन्ह सहित चले रघुराई।।
मंजु मधुर मूरति उर आनी। भई सनेह सिथिल सब रानी।।
पुनि धीरजु धरि कुअँरि हँकारी। बार बार भेटहिं महतारीं।।
पहुँचावहिं फिरि मिलहिं बहोरी। बढ़ी परस्पर प्रीति न थोरी।।
पुनि पुनि मिलत सखिन्ह बिलगाई। बाल बच्छ जिमि धेनु लवाई।।
दोहा/सोरठा
प्रेमबिबस नर नारि सब सखिन्ह सहित रनिवासु।
मानहुँ कीन्ह बिदेहपुर करुनाँ बिरहँ निवासु।।337।।
चौपाई
सुक सारिका जानकी ज्याए। कनक पिंजरन्हि राखि पढ़ाए।।
ब्याकुल कहहिं कहाँ बैदेही। सुनि धीरजु परिहरइ न केही।।
भए बिकल खग मृग एहि भाँति। मनुज दसा कैसें कहि जाती।।
बंधु समेत जनकु तब आए। प्रेम उमगि लोचन जल छाए।।
सीय बिलोकि धीरता भागी। रहे कहावत परम बिरागी।।
लीन्हि राँय उर लाइ जानकी। मिटी महामरजाद ग्यान की।।
समुझावत सब सचिव सयाने। कीन्ह बिचारु न अवसर जाने।।
बारहिं बार सुता उर लाई। सजि सुंदर पालकीं मगाई।।
दोहा/सोरठा
प्रेमबिबस परिवारु सबु जानि सुलगन नरेस।
कुँअरि चढ़ाई पालकिन्ह सुमिरे सिद्धि गनेस।।338।।
चौपाई
asa kahi rahī carana gahi rānī. prēma paṃka janu girā samānī..
suni sanēhasānī bara bānī. bahubidhi rāma sāsu sanamānī..
rāma bidā māgata kara jōrī. kīnha pranāmu bahōri bahōrī..
pāi asīsa bahuri siru nāī. bhāinha sahita calē raghurāī..
maṃju madhura mūrati ura ānī. bhaī sanēha sithila saba rānī..
puni dhīraju dhari kuaomri haomkārī. bāra bāra bhēṭahiṃ mahatārīṃ..
pahuomcāvahiṃ phiri milahiṃ bahōrī. baḍhaī paraspara prīti na thōrī..
puni puni milata sakhinha bilagāī. bāla baccha jimi dhēnu lavāī..
चौपाई
suka sārikā jānakī jyāē. kanaka piṃjaranhi rākhi paḍhaāē..
byākula kahahiṃ kahāom baidēhī. suni dhīraju pariharai na kēhī..
bhaē bikala khaga mṛga ēhi bhāomti. manuja dasā kaisēṃ kahi jātī..
baṃdhu samēta janaku taba āē. prēma umagi lōcana jala chāē..
sīya bilōki dhīratā bhāgī. rahē kahāvata parama birāgī..
līnhi rāomya ura lāi jānakī. miṭī mahāmarajāda gyāna kī..
samujhāvata saba saciva sayānē. kīnha bicāru na avasara jānē..
bārahiṃ bāra sutā ura lāī. saji suṃdara pālakīṃ magāī..
