चौपाई
बार बार करि बिनय बड़ाई। रघुपति चले संग सब भाई।।
जनक गहे कौसिक पद जाई। चरन रेनु सिर नयनन्ह लाई।।
सुनु मुनीस बर दरसन तोरें। अगमु न कछु प्रतीति मन मोरें।।
जो सुखु सुजसु लोकपति चहहीं। करत मनोरथ सकुचत अहहीं।।
सो सुखु सुजसु सुलभ मोहि स्वामी। सब सिधि तव दरसन अनुगामी।।
कीन्हि बिनय पुनि पुनि सिरु नाई। फिरे महीसु आसिषा पाई।।
चली बरात निसान बजाई। मुदित छोट बड़ सब समुदाई।।
रामहि निरखि ग्राम नर नारी। पाइ नयन फलु होहिं सुखारी।।
दोहा/सोरठा
बीच बीच बर बास करि मग लोगन्ह सुख देत।
अवध समीप पुनीत दिन पहुँची आइ जनेत।।343।।
चौपाई
हने निसान पनव बर बाजे। भेरि संख धुनि हय गय गाजे।।
झाँझि बिरव डिंडमीं सुहाई। सरस राग बाजहिं सहनाई।।
पुर जन आवत अकनि बराता। मुदित सकल पुलकावलि गाता।।
निज निज सुंदर सदन सँवारे। हाट बाट चौहट पुर द्वारे।।
गलीं सकल अरगजाँ सिंचाई। जहँ तहँ चौकें चारु पुराई।।
बना बजारु न जाइ बखाना। तोरन केतु पताक बिताना।।
सफल पूगफल कदलि रसाला। रोपे बकुल कदंब तमाला।।
लगे सुभग तरु परसत धरनी। मनिमय आलबाल कल करनी।।
दोहा/सोरठा
बिबिध भाँति मंगल कलस गृह गृह रचे सँवारि।
सुर ब्रह्मादि सिहाहिं सब रघुबर पुरी निहारि।।344।।
चौपाई
bāra bāra kari binaya baḍaāī. raghupati calē saṃga saba bhāī..
janaka gahē kausika pada jāī. carana rēnu sira nayananha lāī..
sunu munīsa bara darasana tōrēṃ. agamu na kachu pratīti mana mōrēṃ..
jō sukhu sujasu lōkapati cahahīṃ. karata manōratha sakucata ahahīṃ..
sō sukhu sujasu sulabha mōhi svāmī. saba sidhi tava darasana anugāmī..
kīnhi binaya puni puni siru nāī. phirē mahīsu āsiṣā pāī..
calī barāta nisāna bajāī. mudita chōṭa baḍa saba samudāī..
rāmahi nirakhi grāma nara nārī. pāi nayana phalu hōhiṃ sukhārī..
चौपाई
hanē nisāna panava bara bājē. bhēri saṃkha dhuni haya gaya gājē..
jhāomjhi birava ḍiṃḍamīṃ suhāī. sarasa rāga bājahiṃ sahanāī..
pura jana āvata akani barātā. mudita sakala pulakāvali gātā..
nija nija suṃdara sadana saomvārē. hāṭa bāṭa cauhaṭa pura dvārē..
galīṃ sakala aragajāom siṃcāī. jahaom tahaom caukēṃ cāru purāī..
banā bajāru na jāi bakhānā. tōrana kētu patāka bitānā..
saphala pūgaphala kadali rasālā. rōpē bakula kadaṃba tamālā..
lagē subhaga taru parasata dharanī. manimaya ālabāla kala karanī..
