चौपाई
धूप धूम नभु मेचक भयऊ। सावन घन घमंडु जनु ठयऊ।।
सुरतरु सुमन माल सुर बरषहिं। मनहुँ बलाक अवलि मनु करषहिं।।
मंजुल मनिमय बंदनिवारे। मनहुँ पाकरिपु चाप सँवारे।।
प्रगटहिं दुरहिं अटन्ह पर भामिनि। चारु चपल जनु दमकहिं दामिनि।।
दुंदुभि धुनि घन गरजनि घोरा। जाचक चातक दादुर मोरा।।
सुर सुगन्ध सुचि बरषहिं बारी। सुखी सकल ससि पुर नर नारी।।
समउ जानी गुर आयसु दीन्हा। पुर प्रबेसु रघुकुलमनि कीन्हा।।
सुमिरि संभु गिरजा गनराजा। मुदित महीपति सहित समाजा।।
दोहा/सोरठा
होहिं सगुन बरषहिं सुमन सुर दुंदुभीं बजाइ।
बिबुध बधू नाचहिं मुदित मंजुल मंगल गाइ।।347।।
चौपाई
मागध सूत बंदि नट नागर। गावहिं जसु तिहु लोक उजागर।।
जय धुनि बिमल बेद बर बानी। दस दिसि सुनिअ सुमंगल सानी।।
बिपुल बाजने बाजन लागे। नभ सुर नगर लोग अनुरागे।।
बने बराती बरनि न जाहीं। महा मुदित मन सुख न समाहीं।।
पुरबासिन्ह तब राय जोहारे। देखत रामहि भए सुखारे।।
करहिं निछावरि मनिगन चीरा। बारि बिलोचन पुलक सरीरा।।
आरति करहिं मुदित पुर नारी। हरषहिं निरखि कुँअर बर चारी।।
सिबिका सुभग ओहार उघारी। देखि दुलहिनिन्ह होहिं सुखारी।।
दोहा/सोरठा
एहि बिधि सबही देत सुखु आए राजदुआर।
मुदित मातु परुछनि करहिं बधुन्ह समेत कुमार।।348।।
चौपाई
dhūpa dhūma nabhu mēcaka bhayaū. sāvana ghana ghamaṃḍu janu ṭhayaū..
surataru sumana māla sura baraṣahiṃ. manahuom balāka avali manu karaṣahiṃ..
maṃjula manimaya baṃdanivārē. manahuom pākaripu cāpa saomvārē..
pragaṭahiṃ durahiṃ aṭanha para bhāmini. cāru capala janu damakahiṃ dāmini..
duṃdubhi dhuni ghana garajani ghōrā. jācaka cātaka dādura mōrā..
sura sugandha suci baraṣahiṃ bārī. sukhī sakala sasi pura nara nārī..
samau jānī gura āyasu dīnhā. pura prabēsu raghukulamani kīnhā..
sumiri saṃbhu girajā ganarājā. mudita mahīpati sahita samājā..
चौपाई
māgadha sūta baṃdi naṭa nāgara. gāvahiṃ jasu tihu lōka ujāgara..
jaya dhuni bimala bēda bara bānī. dasa disi sunia sumaṃgala sānī..
bipula bājanē bājana lāgē. nabha sura nagara lōga anurāgē..
banē barātī barani na jāhīṃ. mahā mudita mana sukha na samāhīṃ..
purabāsinha taba rāya jōhārē. dēkhata rāmahi bhaē sukhārē..
karahiṃ nichāvari manigana cīrā. bāri bilōcana pulaka sarīrā..
ārati karahiṃ mudita pura nārī. haraṣahiṃ nirakhi kuomara bara cārī..
sibikā subhaga ōhāra ughārī. dēkhi dulahininha hōhiṃ sukhārī..
