चौपाई
करहिं आरती बारहिं बारा। प्रेमु प्रमोदु कहै को पारा।।
भूषन मनि पट नाना जाती।।करही निछावरि अगनित भाँती।।
बधुन्ह समेत देखि सुत चारी। परमानंद मगन महतारी।।
पुनि पुनि सीय राम छबि देखी।।मुदित सफल जग जीवन लेखी।।
सखीं सीय मुख पुनि पुनि चाही। गान करहिं निज सुकृत सराही।।
बरषहिं सुमन छनहिं छन देवा। नाचहिं गावहिं लावहिं सेवा।।
देखि मनोहर चारिउ जोरीं। सारद उपमा सकल ढँढोरीं।।
देत न बनहिं निपट लघु लागी। एकटक रहीं रूप अनुरागीं।।
दोहा/सोरठा
निगम नीति कुल रीति करि अरघ पाँवड़े देत।
बधुन्ह सहित सुत परिछि सब चलीं लवाइ निकेत।।349।।
चौपाई
चारि सिंघासन सहज सुहाए। जनु मनोज निज हाथ बनाए।।
तिन्ह पर कुअँरि कुअँर बैठारे। सादर पाय पुनित पखारे।।
धूप दीप नैबेद बेद बिधि। पूजे बर दुलहिनि मंगलनिधि।।
बारहिं बार आरती करहीं। ब्यजन चारु चामर सिर ढरहीं।।
बस्तु अनेक निछावर होहीं। भरीं प्रमोद मातु सब सोहीं।।
पावा परम तत्व जनु जोगीं। अमृत लहेउ जनु संतत रोगीं।।
जनम रंक जनु पारस पावा। अंधहि लोचन लाभु सुहावा।।
मूक बदन जनु सारद छाई। मानहुँ समर सूर जय पाई।।
दोहा/सोरठा
एहि सुख ते सत कोटि गुन पावहिं मातु अनंदु।।
भाइन्ह सहित बिआहि घर आए रघुकुलचंदु।।350(क)।।
लोक रीत जननी करहिं बर दुलहिनि सकुचाहिं।
मोदु बिनोदु बिलोकि बड़ रामु मनहिं मुसकाहिं।।350(ख)।।
चौपाई
karahiṃ āratī bārahiṃ bārā. prēmu pramōdu kahai kō pārā..
bhūṣana mani paṭa nānā jātī..karahī nichāvari aganita bhāomtī..
badhunha samēta dēkhi suta cārī. paramānaṃda magana mahatārī..
puni puni sīya rāma chabi dēkhī..mudita saphala jaga jīvana lēkhī..
sakhīṃ sīya mukha puni puni cāhī. gāna karahiṃ nija sukṛta sarāhī..
baraṣahiṃ sumana chanahiṃ chana dēvā. nācahiṃ gāvahiṃ lāvahiṃ sēvā..
dēkhi manōhara cāriu jōrīṃ. sārada upamā sakala ḍhaomḍhōrīṃ..
dēta na banahiṃ nipaṭa laghu lāgī. ēkaṭaka rahīṃ rūpa anurāgīṃ..
चौपाई
cāri siṃghāsana sahaja suhāē. janu manōja nija hātha banāē..
tinha para kuaomri kuaomra baiṭhārē. sādara pāya punita pakhārē..
dhūpa dīpa naibēda bēda bidhi. pūjē bara dulahini maṃgalanidhi..
bārahiṃ bāra āratī karahīṃ. byajana cāru cāmara sira ḍharahīṃ..
bastu anēka nichāvara hōhīṃ. bharīṃ pramōda mātu saba sōhīṃ..
pāvā parama tatva janu jōgīṃ. amṛta lahēu janu saṃtata rōgīṃ..
janama raṃka janu pārasa pāvā. aṃdhahi lōcana lābhu suhāvā..
mūka badana janu sārada chāī. mānahuom samara sūra jaya pāī..
