चौपाई
जौं करि कष्ट जाइ पुनि कोई। जातहिं नींद जुड़ाई होई।।
जड़ता जाड़ बिषम उर लागा। गएहुँ न मज्जन पाव अभागा।।
करि न जाइ सर मज्जन पाना। फिरि आवइ समेत अभिमाना।।
जौं बहोरि कोउ पूछन आवा। सर निंदा करि ताहि बुझावा।।
सकल बिघ्न ब्यापहि नहिं तेही। राम सुकृपाँ बिलोकहिं जेही।।
सोइ सादर सर मज्जनु करई। महा घोर त्रयताप न जरई।।
ते नर यह सर तजहिं न काऊ। जिन्ह के राम चरन भल भाऊ।।
जो नहाइ चह एहिं सर भाई। सो सतसंग करउ मन लाई।।
अस मानस मानस चख चाही। भइ कबि बुद्धि बिमल अवगाही।।
भयउ हृदयँ आनंद उछाहू। उमगेउ प्रेम प्रमोद प्रबाहू।।
चली सुभग कबिता सरिता सो। राम बिमल जस जल भरिता सो।।
सरजू नाम सुमंगल मूला। लोक बेद मत मंजुल कूला।।
नदी पुनीत सुमानस नंदिनि। कलिमल तृन तरु मूल निकंदिनि।।
दोहा/सोरठा
श्रोता त्रिबिध समाज पुर ग्राम नगर दुहुँ कूल।
संतसभा अनुपम अवध सकल सुमंगल मूल।।39।।
चौपाई
रामभगति सुरसरितहि जाई। मिली सुकीरति सरजु सुहाई।।
सानुज राम समर जसु पावन। मिलेउ महानदु सोन सुहावन।।
जुग बिच भगति देवधुनि धारा। सोहति सहित सुबिरति बिचारा।।
त्रिबिध ताप त्रासक तिमुहानी। राम सरुप सिंधु समुहानी।।
मानस मूल मिली सुरसरिही। सुनत सुजन मन पावन करिही।।
बिच बिच कथा बिचित्र बिभागा। जनु सरि तीर तीर बन बागा।।
उमा महेस बिबाह बराती। ते जलचर अगनित बहुभाँती।।
रघुबर जनम अनंद बधाई। भवँर तरंग मनोहरताई।।
दोहा/सोरठा
बालचरित चहु बंधु के बनज बिपुल बहुरंग।
नृप रानी परिजन सुकृत मधुकर बारिबिहंग।।40।।
चौपाई
jauṃ kari kaṣṭa jāi puni kōī. jātahiṃ nīṃda juḍaāī hōī..
jaḍatā jāḍa biṣama ura lāgā. gaēhuom na majjana pāva abhāgā..
kari na jāi sara majjana pānā. phiri āvai samēta abhimānā..
jauṃ bahōri kōu pūchana āvā. sara niṃdā kari tāhi bujhāvā..
sakala bighna byāpahi nahiṃ tēhī. rāma sukṛpāom bilōkahiṃ jēhī..
sōi sādara sara majjanu karaī. mahā ghōra trayatāpa na jaraī..
tē nara yaha sara tajahiṃ na kāū. jinha kē rāma carana bhala bhāū..
jō nahāi caha ēhiṃ sara bhāī. sō satasaṃga karau mana lāī..
asa mānasa mānasa cakha cāhī. bhai kabi buddhi bimala avagāhī..
bhayau hṛdayaom ānaṃda uchāhū. umagēu prēma pramōda prabāhū..
calī subhaga kabitā saritā sō. rāma bimala jasa jala bharitā sō..
sarajū nāma sumaṃgala mūlā. lōka bēda mata maṃjula kūlā..
nadī punīta sumānasa naṃdini. kalimala tṛna taru mūla nikaṃdini..
चौपाई
rāmabhagati surasaritahi jāī. milī sukīrati saraju suhāī..
sānuja rāma samara jasu pāvana. milēu mahānadu sōna suhāvana..
juga bica bhagati dēvadhuni dhārā. sōhati sahita subirati bicārā..
tribidha tāpa trāsaka timuhānī. rāma sarupa siṃdhu samuhānī..
mānasa mūla milī surasarihī. sunata sujana mana pāvana karihī..
bica bica kathā bicitra bibhāgā. janu sari tīra tīra bana bāgā..
umā mahēsa bibāha barātī. tē jalacara aganita bahubhāomtī..
raghubara janama anaṃda badhāī. bhavaomra taraṃga manōharatāī..
