चौपाई
सीय स्वयंबर कथा सुहाई। सरित सुहावनि सो छबि छाई।।
नदी नाव पटु प्रस्न अनेका। केवट कुसल उतर सबिबेका।।
सुनि अनुकथन परस्पर होई। पथिक समाज सोह सरि सोई।।
घोर धार भृगुनाथ रिसानी। घाट सुबद्ध राम बर बानी।।
सानुज राम बिबाह उछाहू। सो सुभ उमग सुखद सब काहू।।
कहत सुनत हरषहिं पुलकाहीं। ते सुकृती मन मुदित नहाहीं।।
राम तिलक हित मंगल साजा। परब जोग जनु जुरे समाजा।।
काई कुमति केकई केरी। परी जासु फल बिपति घनेरी।।
दोहा/सोरठा
समन अमित उतपात सब भरतचरित जपजाग।
कलि अघ खल अवगुन कथन ते जलमल बग काग।।41।।
चौपाई
कीरति सरित छहूँ रितु रूरी। समय सुहावनि पावनि भूरी।।
हिम हिमसैलसुता सिव ब्याहू। सिसिर सुखद प्रभु जनम उछाहू।।
बरनब राम बिबाह समाजू। सो मुद मंगलमय रितुराजू।।
ग्रीषम दुसह राम बनगवनू। पंथकथा खर आतप पवनू।।
बरषा घोर निसाचर रारी। सुरकुल सालि सुमंगलकारी।।
राम राज सुख बिनय बड़ाई। बिसद सुखद सोइ सरद सुहाई।।
सती सिरोमनि सिय गुनगाथा। सोइ गुन अमल अनूपम पाथा।।
भरत सुभाउ सुसीतलताई। सदा एकरस बरनि न जाई।।
दोहा/सोरठा
अवलोकनि बोलनि मिलनि प्रीति परसपर हास।
भायप भलि चहु बंधु की जल माधुरी सुबास।।42।।
चौपाई
sīya svayaṃbara kathā suhāī. sarita suhāvani sō chabi chāī..
nadī nāva paṭu prasna anēkā. kēvaṭa kusala utara sabibēkā..
suni anukathana paraspara hōī. pathika samāja sōha sari sōī..
ghōra dhāra bhṛgunātha risānī. ghāṭa subaddha rāma bara bānī..
sānuja rāma bibāha uchāhū. sō subha umaga sukhada saba kāhū..
kahata sunata haraṣahiṃ pulakāhīṃ. tē sukṛtī mana mudita nahāhīṃ..
rāma tilaka hita maṃgala sājā. paraba jōga janu jurē samājā..
kāī kumati kēkaī kērī. parī jāsu phala bipati ghanērī..
चौपाई
kīrati sarita chahūom ritu rūrī. samaya suhāvani pāvani bhūrī..
hima himasailasutā siva byāhū. sisira sukhada prabhu janama uchāhū..
baranaba rāma bibāha samājū. sō muda maṃgalamaya riturājū..
grīṣama dusaha rāma banagavanū. paṃthakathā khara ātapa pavanū..
baraṣā ghōra nisācara rārī. surakula sāli sumaṃgalakārī..
rāma rāja sukha binaya baḍaāī. bisada sukhada sōi sarada suhāī..
satī sirōmani siya gunagāthā. sōi guna amala anūpama pāthā..
bharata subhāu susītalatāī. sadā ēkarasa barani na jāī..
